Расман: Ўзбекистон Олимпия делегацияси Тошкентга етиб келди

Спорт 6696
image

Япониянинг Токио шаҳрида бўлиб ўтган Олимпия ўйинларида иштирок этган Ўзбекистон делегацияси ҳозиргина Тошкент Халқаро аэропортига қўнди. Бу ҳақда воқеа жойидан QALAMPIR.UZ мухбири хабар қилди. Делегациянинг барча аъзолари соғ-омон ҳамда тўлиқ таркибда Тошкентга етиб келди.

Айни дамда аэропорт ташқарисида спортчиларнинг бир қанча яқинлари ҳамда кўплаб нуфузли нашрларнинг журналистлари йиғилиб турибди. Делегация ташқарига чиққач, уларни кутиб олиш маросими, журналистлар билан қисқа суҳбатлар бўлиб ўтади. Шундан сўнг, спортчилар Тошкент шаҳри бўйлаб икки қаватли автобусларда пойтахтни сайр қилади.

Бундан ташқари, уларни тақдирлаш маросими ҳам бугун бўлиб ўтади. Эслатиб ўтамиз, олтин медални қўлга киритган совриндорларга “Chevrolet Tahoe” русумли автомобил ҳамда 200 минг АҚШ доллари, бронза олган совриндорларга эса “Traiblazer” русумли автомобил ҳамда 50 минг АҚШ доллари миқдорида пул мукофоти берилиши кўзда тутилган.

Абдулла Маннонов
Мақолага баҳо беринг
Баҳолаганлар: 224
Рейтинг: 3.1
t
×