Rossiyaning 9 viloyatiga dronlar hujum qildi. Neft bazada yong‘in chiqdi
Olam
−
12 mart 10333
Rossiyaning kamida to‘qqiz viloyati ommaviy dronlar hujumiga uchradi. Bu haqda Rossiya Mudofaa vazirligi ma’lum qildi.
Unga ko‘ra, 12 mart tongida yetti oblast: Moskva, Leningrad, Belgorod, Kursk, Bryansk, Tula va Orlov oblastlarida 25 ta uchuvchisiz uchish apparatlari urib tushirilgan yoki ishdan chiqarilgan. Bundan tashqari, yana ikki hudud – Nijegorod va Voronej oblastlari gubernatorlari ham tungi dronlar hujumi haqida xabar berdi. Kiyev odatda Rossiya hududidagi yonilg‘i korxonalariga berilgan zarbalarga aloqadorligini rasman tasdiqlamagan.
Ma’lum qilinishicha, Nijegorod oblastida dronlar zarbasi oqibatida “Lukoyl” neftni qayta ishlash zavodida, Oryolda dron qulashi oqibatida neft bazasida yong‘in chiqqan.
Ma’lumot uchun, Kstovoga dronlar birinchi marta hujum qilmayapti. 31 yanvar kuni RIA Novosti manbasi rayonda ikkita dron radioelektron vositalar bilan zararsizlantirilgani haqida xabar bergandi. Dronlar, avvalroq, Nijegorod oblastining Dzerjinsk shahriga ham hujum qilgandi, bu yerda kimyo sanoati korxonalari joylashgan.
Live
Barchasi
