Рафалович иккинчи имкониятдан ҳам фойдалана олмади ва Олимпиададаги юришини тўхтатди

Спорт 1223
image

Хабарингиз бор, бугун, 26 июль куни ўзбекистонлик таэквондочи Никита Рафалович -80 кг вазн тоифасидаги жангларда ярим финалга қадар етиб борди ва ушбу босқичда у иорданиялик Солиҳ Элшарабатига қарши жанг қилиб, қўшимча дақиқада имкониятни бой бериб қўйди. 

Бироқ, Рафалович Токио-2020 Олимпия ўйинларидаги иштирокини давом эттирди. Бронза медали учун кечган жангда ўзбекистонлик таэквондочи хорватиялик Тони Канаетга қарши баҳс олиб борди.

Уч раунд давомида муросасиз кечган баҳсда хорватиялик спортчи 24:18 ҳисобида Рафалович устидан ғалаба қозонди. Шу тариқа, Ўзбекистон терма жамоаси Токио-2020 даги 2-совринини қўлга кирита олмайдиган бўлди.

Маълумот учун, биринчи медаль кеча, 25 июль куни таэквондочи Улуғбек Рашидов томонидан қўлга киритилган эди.

Абдулла Маннонов
Мақолага баҳо беринг
Баҳолаганлар: 21
Рейтинг: 3.2
t
×