Фақат иккитаси тан олинади

Категориялар 2728
image

Ўзбекистонда айни пайтда 81 та хусусий бандлик агентлиги фаолият юритмоқда. Улар бор йўғи 3000-3500 аҳоли вакилларини хорижда иш билан таъминлашга эришди, дейди Бандлик ва меҳнат муносабатлари вазири Шерзод Кудбиев. Халқаро пресс клубда ўтказилган “Ўзбекистон одам савдоси ва мажбурий меҳнатга қарши курашишнинг янги тизими: халқаро ҳамкорлик, устувор вазифалар ва муаммолар таҳлили” мавзуидаги сессияда. 

Кудбиевнинг айтишича, аввалига 5 та хусусий бандлик агентлиги очиш режада бўлган. Бироқ бугунга келиб, улар сони анча ошган. Кўп бўлгани яхши. Лекин самара бериши ҳам керак. Одамлар хорижда ишлайман дедими, марҳамат агентликлар кўпроқ тер тўкиб ишласин. 

Шунингдек, вазир Ўзбекистонда Президент ҳамда Вазирлар Маҳкамаси томонидан ўтказилиши имзоланган ҳашарларгина тан олинишини, улар сони иккита бўлиб, Наврўз ҳамда Мустақиллик байрамлари арафсида ўтказиладиган ҳашарлар эканини, жойларда ўтказилаётган айрим ҳашарлар меҳнат қонунчилигига зидлигини, фуқароларга чиқмасанг ойлигингдан ушлаб қоламан, агар ўсаман десанг, ҳашарда қатнашгин, бу ҳокимнинг топшириғи деган ҳар қандай гап-сўзларга эътибор қилмасликни айтиб ўтди. Босим ўтказишга уринганлар устидан шикоят қилиш ҳуқуқлари борлигини айтиб ўтди.

Шерзод Кудбиев яқинда Тошкент шаҳридаги 218-мактабда ўтказилган ҳашарни мажбурий меҳнат деб атади ва мазкур мактаб директори 51-модда билан жазоланганини маълум қилди.

Qalampir.uz Tahririyati
Мақолага баҳо беринг
Баҳолаганлар: 51
Рейтинг: 3.0
Будьте в курсе событий!
×
×