Rasman: Aziz Haydarov O‘FAdan ketdi

Jamiyat 9508
image

O‘zbekiston Futbol assotsiatsiyasi qoshidagi Terma jamoalar bo‘limi boshlig‘i Aziz Haydarov o‘z lavozimini tark etdi.

10 yildan ortiq vaqt davomida “Lokomotiv”, “Bunyodkor” va BAA klublari hamda O‘zbekiston milliy terma jamoasi safida muvaffaqiyatli o‘yin ko‘rsatgan Aziz Haydarov 2019 yilda futbolchilik faoliyatini yakunlagach, o‘sha yilning iyul oyida O‘FA terma jamoalar bo‘limida rahbarlik lavozimida faoliyat boshlagan edi.

O‘zbekiston milliy jamoasining JCH-2022 saralash bosqichi doirasida Saudiya Arabistonidagi muvaffaqiyatsizliklaridan keyin 19 iyul kuni Toshkentda o‘tgan O‘FA kongressida O‘zbekiston Futbol assotsiatsiyasi prezidenti Vadim Abramov va milliy terma jamoa murabbiylar shtabi iste’foga chiqarilgani haqida ma’lum qilgan edi. Oradan 9 kun o‘tib, Aziz Haydarov ham O‘FAdagi faoliyatini yakunladi. Bu haqida uning o‘zi xabar berdi.

“O‘zbekiston futbol federatsiyasidagi faoliyatimni tugatdim. Oilaviy sabablarim tufayli o‘z xohishimga ko‘ra ishdan bo‘shash haqida ariza yozdim”, deydi Aziz Haydarov.

Ma’lumot uchun, O‘zbekiston milliy terma jamoasi ayni damda bosh murabbiysiz qolgan hamda unga nomzodlar sifatida Timur Kapadze, Karlush Keyrush hamda Ro‘ziqul Berdiyevlar ko‘rsatilgan.

Abdulla Mannonov
Maqolaga baho bering
Baholaganlar: 401
Reyting: 3
t
×