Токиога хавф яқинлашмоқда. Олимпиадада баъзи баҳслар қолдирилиши мумкин

Спорт 11463
image

Токиода бўлиб ўтаётган Олимпиада баҳслари тақвими ўзгартирилиши мумкин. Бу ҳақда Токио-2020 2-кунидан сўнг уюштирилган матбуот анжуманида айтиб ўтилган.

Маълум бўлишича, тақвимни ўзгартиришга Хонсю оролига яқинлашиб келаётган кучли тўфон асосий сабаб сифатида кўрсатилмоқда. Бироқ ташкилотчилар имкон қадар бунинг олдини олишга ҳаракат қилиб, ўзгартирмасликни мақсад қилган.

“Тўғри, вазият қалтис. Бироқ ҳозирда сешанба куни бўлиб ўтадиган мусобақа жадвалини ўзгартириш режамизда йўқ. Бир иложини топишга ҳаракат қиламиз, умид қиламанки, ўйинлар қолдирилмайди”, дейди Токио-2020 вакили Маса Такая журналистларга берган интервьюсида.

Аввалроқ, тўфон туфайли эшкак эшиш ва камондан ўқ отиш мусобақалари қолдирилган эди. Хабарларга кўра, тўфон Токионинг шимолидан ўтиши тахмин қилинмоқда.

Абдулла Маннонов
Мақолага баҳо беринг
Баҳолаганлар: 642
Рейтинг: 2.9
t
×