Эртага РФ Хавфсизлик Кенгаши котиби Тошкентга келади

Категориялар 1173
image

Россия Федерацияси Хавфсизлик Кенгаши котиби Николай Патрушев шу йилнинг 31 октябрь куни расмий ташриф билан Ўзбекистонга келади. Бу ҳақда ТАСС хабар бермоқда.

Патрушев иштирокида хавфсизлик Кенгаши йўналиши бўйича Ўзбекистон-Россия маслаҳатлашувлари бўлиб ўтади. Унда Афғонистон билан чегара мавзуси ҳам муҳокама қилинади.

Патрушев Ўзбекистонга келишдан олдин 30 октябрь куни расмий ташриф билан Тожикистонга боради.

Патрушев бошқа мамлакатлардаги ҳамкасблари билан мунтазам равишда хавфсизлик бўйича икки томонлама маслаҳатлашувлар ўтказиб туради.

Октябрь ойининг ўрталарида у Куба ва Бразилияга ташриф буюрди, сентябрь ўрталарида у Японияда икки кунлик ташриф билан бўлди ва август ойи охирида Россия Федерацияси Хавфсизлик Кенгаши котиби Малайзия ва Сингапурда хавфсизлик бўйича маслаҳатлашувларда Россия делегациясига раҳбарлик қилди.

Сўнгги ойларда Патрушев Ереван, Боку ва Минскка ҳам ташриф буюрди.

Акбаржон Абдураимов
Мақолага баҳо беринг
Баҳолаганлар: 25
Рейтинг: 2.9
t
×