Aviashouda qiruvchi samolyot qulab tushdi (video)
Olam
−
19:41 2268 1 daqiqa
Gretsiya sharqida aviashou vaqtida F-4 Phantom qiruvchi samolyoti halokatga uchradi. Uchuvchilarning taqdiri noma’lum. Bu haqda ERT telekanali xabar berdi.
“Shanba kuni soat 15:00 ga yaqin Tanagrada namoyish parvozi vaqtida F-4 Phantom harbiy qiruvchi samolyoti halokatga uchradi”, deyiladi telekanal xabarida.
ERT xabariga ko‘ra, namoyish dasturi boshlanganidan bir necha daqiqa o‘tib samolyot balandlikni yo‘qota boshlagan. U yerga qulaganida portlash yuz bergan, hozirda o‘t o‘chiruvchilar vertolyotlar yordamida olovni o‘chirmoqda. Samolyotda bo‘lgan ikki uchuvchi katapulta qilishga ulgurgan-ulgurmagani noma’lum.
Dastlabki ma’lumotlarga ko‘ra, samolyot ikki qismga bo‘linib ketgan va ikkala qism ham yonib ketgan.
Eslatib o‘tamiz, avvalroq AQSHning g‘arbiy qismidagi Alyaska shtatida bortida 8 kishi bo‘lgan charter samolyoti halokatga uchragan edi.
