Ўзбекистонлик UFC жангчиси 2 йилга мусобақалардан четлатилди

Спорт 27411
image

Бугун, 31 август куни UFC’нинг допингга қарши курашувчи ҳамкори USADA ташкилоти ўзбекистонлик Лилия Шакированинг тест намуналаридан мельдоний моддасини топган. Шу сабабли у 2 йил муддатга UFC’дан четлатилган.

Қайд этиш керакки, ушбу модда ҳар доим USADA ташкилотининг таъқиқланган моддалар рўйхатида бўлган. 

Баёнотда маълум қилинишича, ҳар бир жангчи допинг тести топшириш пайтида, сўнгги 12 ой давомида истеъмол қилган таъқиқланган моддаларини алоҳида декларация тўлдирган ҳолда маълум қилиши лозим. Агарда унинг қон таркибидан ушбу декларацияда кўрсатилган моддалар топилса ҳам жангчи айбдор, деб ҳисобланмайди. Шунчаки, модданинг турига қараб, у танадан чиқиб кетмагунча жангларга қўйилмайди ва қайтадан тест топширади.

Лилия Шакирова эса юқорида таъкидланган декларацияни тўлдириш чоғида мельдоний моддаси ҳақида бирор маълумот кўрсатмаган. Бу эса жангчининг икки йилга четлатилишига сабаб бўлган.

Лилия Шакирова 2020 йилнинг октябрь ойида UFC’да дебют жангини ўтказганди. UFC 254 доирасида ўтказилган ўша жангда ўзбекистонлик жангчи енгил вазнда тенгсиз бўлган Лаурен Мёрфига мағлуб бўлган эди.

Абдулла Маннонов
Мақолага баҳо беринг
Баҳолаганлар: 1316
Рейтинг: 3
t
×