“Пулни коронавирусга қарши курашга сарфланг” — Токиода Олимпиадага қарши намойишлар бўлиб ўтди

Олам 2602
image

Бугун, 23 июль куни Япониянинг Токио шаҳрида “Токио-2020” Олимпиадасининг расмий очилиш маросими бўлиб ўтди. ТАСС нашрининг маълумот беришича, шаҳар мерияси ёнида очилиш маросими олдидан маҳаллий аҳоли иштирокида Олимпиадага қарши оммавий намойишлар бўлиб ўтган ва бу кун мобайнида давом этган. 

Хабарга кўра, намойишда 100 га яқин одам иштирок этган, уларнинг қичқириқ ва ҳайқириқлари майдондаги ташкилотчиларга ҳалақит берган. Намойишчилар пулни вирусга қарши курашишга сарфлашни талаб қилмоқда.

“Олимпиада ҳомийлар ва расмийлар учунгина ўтказилади. Ҳеч ким оддий фуқаролар ва мухлислар ҳақида ўйламаяпти. Токиода коронавирус юқтириш яна авжига чиқди. Олимпиададан кейин нима бўлади? Ўйинларни бекор қилиш керак. Мусобақани ташкил этишга ишлатилган шунча пулни эса COVID-19’ни даволашга сарфланг”, дейди намойишчилардан бири.

Қайд этиш жоиз, сўнгги бир ҳафта ичида Токиода COVID-19 билан боғлиқ касалланишлар сони кунлик статистикада деярли икки мингга ўсди. Бу эса жорий йилнинг январидан бери энг юқори кўрсаткич ҳисобланади.

Эслатиб ўтамиз, Токио Олимпиадаси жорий йилнинг 23 июлидан 9 августигача давом этиши режалаштирилган.

Абдулла Маннонов
Мақолага баҳо беринг
Баҳолаганлар: 56
Рейтинг: 3.2
t
×