Рамос қачон жароҳатдан тузалиб, ПСЖда дебют қилади? Почеттино жавоб берди

Спорт 2444
image

Франциянинг ПСЖ клуби бош мураббийи Маурисио Почеттино жамоанинг янги ҳимоячиси Серхио Рамоснинг клубдаги дебюти қачон бўлиши ҳақида гапирди. Унинг айтишича, Серхио камида 2 ҳафта ичида машғулотларда иштирок этади.

“Унинг тикланиши кундан-кунга яхшиланиб бормоқда. Умид қиламанки, Серхио тез орада қайтади, лекин ҳозирча қачонлиги аниқ маълум эмас. Менимча, у камида 2 ҳафтадан сўнг жамоавий машғулотларимизга қўшилади. Унинг ўтган мавсумлардаги қаҳрамонликларига барчангиз гувоҳ бўлгансиз. Ўйлайманки, у бизнинг ҳимоямизда ҳам кучли тартиб ўрната олади”, дейди Почеттино.

Рамос июль ойида клубга келганидан бери парижликлар сафида бирорта ҳам ўйин ўтказмаган. Футболчи ҳозирда жароҳатдан тикланиш билан банд.

Маълумот учун, Рамос 16 йил давомида Мадриднинг “Реал” клуби шарафини ҳимоя қилиб келган ва 4 бора ЕЧЛда ғолиб бўлган. Шунингдек, у 2020 йилда “France Football” нашри томонидан Мальдини, Беккенбауэр, Пуйол ҳамда Роберто Карлос каби афсоналарни ортда қолдириб, “Футбол тарихидаги энг яхши ҳимоячи” мукофотига сазовор бўлган эди.

Абдулла Маннонов
Мақолага баҳо беринг
Баҳолаганлар: 80
Рейтинг: 2.9
t
×