Токио Олимпиадасида Ўзбекистон нечта медаль қўлга киритди?

Спорт 29859
image

Бугун, 8 август куни +91 кг вазн тоифасида Токио Олимпиадасида иштирок этган Баҳодир Жалолов финал баҳсида америкалик Ричард Торрес Жуниорни 5:0 ҳисобида мағлубиятга учратди ва мусобақанинг олтин медалига сазовор бўлди.

Шу тариқа ўзбекистонлик спортчиларнинг Токио-2020 Олимпиадасидаги иштироки якунланди. Ўзбекистон вакиллари мусобақада умумий ҳисобда 5 та медални қўлга киритди. Бунгача Улуғбек Рашидов (таэквондо) ва Акбар Жўраев (оғир атлетика) олтин, Давлат Бобонов (дзюдо) ва Бекзод Абдураҳмонов (эркин кураш) эса бронза медалига эга чиққанди.

Маълумот учун, Ўзбекистон делегацияси Рио-2016 ёзги Олимпия ўйинларида умумий ҳисобда 13 та медаль қўлга киритган эди. Шулардан 4 таси олтин, 2 таси кумуш ва 7 таси бронза медаллар эди. Аҳамиятли жиҳати шундаки, жами 13 та медалнинг 7 таси боксчиларнинг улуши ҳисобланади. Токио-2020 да эса Ўзбекистон боксчилари атиги бир дона медаль қўлга киритди. Бу ҳам бўлса олтин.

Абдулла Маннонов
Мақолага баҳо беринг
Баҳолаганлар: 2083
Рейтинг: 3
t
×