KXSHT kuchlari qo‘zg‘olonchilarni yo‘q qilishda qatnashadimi?

Olam

image
0:00
0:00
download

Qozog‘istonda KXSHT askarlari jangovar harakatlarda qatnashmaydi, jangarilarni yo‘q qilish bilan shug‘ullanmaydi. Bu haqda Qozog‘iston Prezidenti Administratsiyasi rahbarining birinchi o‘rinbosari Dauren Abayev ma’lum qildi.  

Uning so‘zlariga ko‘ra, mamlakatning barcha hududlarida qonuniylik va tartib o‘rnatilgan. Vaziyat barqarorlashgan. 

“Olma-otada barcha ma’muriy binolar terrorchilardan tozalandi. 6 yanvar kuni Olma-ota shahrini tozalash operatsiyasining jangovar qismi “Aristan”, “Arlan”, “Berkut” bo‘linmalari va Mudofaa vazirligi qo‘shinlari tomonidan amalga oshirildi. KXSHT askarlari jangovar harakatlarda qatnashmaydi, jangarilarni yo‘q qilish bilan shug‘ullanmaydi”, degan Abayev. 

Uning so‘zlariga ko‘ra, ko‘plab jangarilar yo‘q qilingan yoki hibsga olingan. Terrorchilar aeroportlar va bir nechta samolyotlarni egallab olgan, keyinchalik ular mamlakat Mudofaa vazirligi kuchlari tomonidan qaytarib olingan. Ayni damda 18 nafar politsiya xodimi halok bo‘lgani ma’lum.

Qozog‘istonda namoyishlar 

Qozog‘istonda norozilik aksiyalari yangi yilning ilk kunlaridan boshlandi. Janaozen shahrida avtomobil egalari suyultirilgan gaz narxi 120 tengega (qariyb 3 ming so‘m) ko‘tarilganidan norozi bo‘lib, ommaviy mitingga chiqdi. Tobora olovlangan namoyishlar ortidan Hukumat komissiyasi Aqtau shahridagi “Intimak” maydonida namoyishchilar bilan uchrashgan. Uchrashuv davomida suyultirilgan gaz narxini pasaytirish va Mang‘istau viloyatida gaz narxini litri uchun 50 tenge etib belgilash to‘g‘risida qaror qabul qilingan.    

Muzokara davomida tomonlar barcha yuzaga kelayotgan muammolarni konstruktiv muloqotning asosiy oqimida va amaldagi qonunchilik doirasida hal qilishga kelishib olgan.    

Shuningdek, miting ishtirokchilari javobgarlikka tortilmasligiga ham kafolat berilgandi. Lekin, 5 yanvar kuni Qozog‘iston huquq-tartibot idoralari mamlakatning bir qancha viloyatlarida sodir etilgan noqonuniy harakatlar chog‘ida jamoat tartibini buzganlik uchun 200 dan ortiq kishini qo‘lga oldi.  

5 yanvar kuni, shuningdek, Qozog‘istonning amaldagi Hukumati iste’fo berdi. Prezident Qosim-Jomart To‘qayev Hukumat iste’fosini qabul qildi. Shuningdek, Qozog‘istonning Birinchi Prezidenti - Elboshi Nursulton Nazarboyev Qozog‘iston Xavfsizlik kengashi raisi lavozimidan ketdi. Uning o‘rnini Prezident To‘qayev egalladi.

Shuningdek, Milliy xavfsizlik qo‘mitasi raisi Karim Masimov lavozimidan ozod etildi. Uning o‘rnini Yermek Sagimbayev egalladi.

Qozog‘istonda butun mamlakat bo‘ylab 19 yanvargacha favqulodda holat joriy etildi. Shuningdek, shu kunlarda soat 23:00 dan 07:00 gacha komendantlik soati amalda bo‘ladi.

Prezident Respublika davlat qo‘riqlash xizmati rahbari etib tayinlash to‘g‘risidagi farmonni imzoladi.

To‘qayev mamlakatdagi norozilik vaziyatiga Hukumat, xususan, Energetika vazirligi, shuningdek, “Kazmunaygaz” va “Kazakgaz” kompaniyalarini aybladi.

Kollektiv xavfsizlik shartnomasi tashkiloti (ODKB) mamlakatga cheklangan muddatga tinchlikparvar kuchlarni kiritish to‘g‘risida qaror qabul qildi


Maqola muallifi

Teglar

Qozog'istondagi vaziyat

Baholaganlar

142

Reyting

3

Maqolaga baho bering

Doʻstlaringiz bilan ulashing