Шомуродов “Рома” билан 5 йиллик келишувга эришди, бироқ у тўлиқ сотиб олинмади

Спорт 8099
image
-

Италиянинг “Женоа” клуби ҳужумчиси Элдор Шомуродов Римнинг “Рома” клуби футболчисига айланди. У янги клуби билан 2026 йилнинг ёзигача мўлжалланган 5 йиллик шартномага имзо чекди. Бу ҳақда, италиялик таниқли журналист-инсайдер Николо Скира хабар бермоқда.

Маълум бўлишича, “Рома” футболчини тўлалигича сотиб олмаган. Клуб уни келаси йили 15+2,5 миллион еврога сотиб олиш шарти билан, бир мавсумга 2,5 миллионга ижарага олган. Бундан ташқари, шартнома бандларида Шомуродовнинг кейинги трансферидан “Женоа” 10 фоиз улушга эга бўлиши кўрсатилган.

Маълумот учун, Элдор Шомуродов “Женоа”га Россиянинг “Ростов” клуби сафидаги ажойиб ўйинлари сабаб трансфер қилинган эди.

Эслатиб ўтамиз, ўтган мавсумда у А Серияда “Женоа” сафида жами 8 та гол ҳамда 2 та ассист амалга оширишга муваффақ бўлган.

Абдулла Маннонов
Мақолага баҳо беринг
Баҳолаганлар: 421
Рейтинг: 2.9
t
×