Ҳабибнинг устози: “Пул Ҳабибни ўзгартирган”

Спорт 20546
image

Енгил вазн тоифасида собиқ UFC чемпиони Ҳабиб Нурмуҳамедовнинг устози Хавьер Мендес ўзининг энг яхши шогирди бўлган Ҳабиб ҳақида илиқ фикрлар билдирди. Мураббий “championat.com” нашрига берган интервьюсида Ҳабибга пул қандай таъсир қилгани, шоҳсупага кўтарилган спортчиларга бу ўрнак бўлиши лозимлиги ҳақида гапириб берди.

“Ҳақиқатдан ҳам пул Ҳабибни ўзгартиган. У янада саҳийга айланди, одамларга меҳрибон бўлиб қолди. У ҳамиша ҳам шундай бўлган, аммо пули кўпайганидан кейин яна ҳам саҳийлашди. Ҳабиб бу борада янги босқичга кўтарилди. Пул уни ижобий маънода ўзгартирди.

Кўпчилик спортчилар муваффақиятга эришиб, шоҳсупага кўтарилгач, юлдузлик касалига чалинади ва бу охир-оқибатда яхшилик билан тугамайди. Шу сабабли барча спортчилар Ҳабибдан ўрнак олишларини сўраб қолган бўлардим. Унинг ҳаракатлари таҳсинга сазовор”, дейди Мендес.

Маълумот учун, Ҳабиб айни дамда UFC’даги фаолиятини якунлаган, у ҳозирда Маҳачқалъадаги маҳаллий клублардан бирида футболчи сифатида фаолият юритмоқда.

Абдулла Маннонов
Мақолага баҳо беринг
Баҳолаганлар: 1058
Рейтинг: 3
t
×