Rossiya uchun o‘nlab yillardagi eng katta zarba – Zelenskiy ruslarning urushdagi yo‘qotishlari haqida

Olam

image

Rossiya Ukrainada misli ko‘rilmagan darajada yo‘qotishlarga duchor bo‘lmoqda. Prezident Vladimir Zelenskiy ruslar 16 kunlik urush davomida 31 ta batalon-taktik guruhi jangovar samaradorligini yo‘qotdgani, 360 dan ortiq tank, 1205 ta zirhli texnika, 60 ga yaqin samolyot va 80 ta vertolyot yo‘q qilinganini ma’lum qildi.

“Bizning Qurolli Kuchlarimiz dushmanni Ukrainaga qarshi urushni davom ettirish istagidan mahrum qilish uchun hamma narsani qilmoqda. Rossiya qo‘shinlarining yo‘qotishlari juda katta. Bosqinchilarning 17-kundagi yo‘qotishlari dinamikasiga ko‘ra, bu Rossiya armiyasi uchun o‘nlab yillardagi eng katta zarba deb aytish mumkin. Ular boshqa hech qayerda shuncha kun ichida bunday ko‘p yo‘qotishmagan”, degan Prezident.

Zelenskiyning ta’kidlashicha, ko‘pgina davlatlarda Rossiya Ukrainadagi urushda yo‘qotganichalik qurol-yaroq va texnikalarning o‘zi mavjud emas.

“Rossiya harbiylari endi yolg‘iz emas, butun guruh bo‘lib asirga tushmoqda. Guruh bo‘lib Ukraina hududidan uylariga, Rossiyaga qaytishga harakat qilmoqdalar”, degan Zelenskiy.

Prezident Ukraina armiyasi favqulodda muvaffaqiyatlarga erishgan bo‘lsa-da, “qarshilik energiyasi”ni kamaytirmaslik kerakligini, mudofaa uchun birgalikda harakat qilish zururligini ta’kidladi.

Rossiya-Ukraina urushi

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Bundan avvalroq Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirgandi. Ko‘p o‘tmay Prezident Rossiya bilan diplomatik aloqani uzdi. Prezident Zelenskiy mamlakatda harbiy holat e’lon qildi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.

Rus qo‘shinlari hozirgacha Ukrainaga shimol, sharq va janubdan hujum qilib kelmoqda va qator hududlarni egallashga erishdi. Ammo bu urush Rossiyaning dunyoda yakkalanib qolishiga olib keldi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, “Rossiya” banki, “Otkritiya”, “Novikombank”, “Promsvyazbank”, “Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi.

Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi.


Maqola muallifi

Teglar

Rossiya-Ukraina urushi Ukrainaga bosqin

Baholaganlar

70

Reyting

3.1

Maqolaga baho bering

Doʻstlaringiz bilan ulashing