Bundanda xorlovchi nima bo‘lishi mumkin? – Zelenskiy ruslarning qurollari tortib olinganini aytdi

Ukraina harbiy omborlarini jang maydonida Rossiya askarlaridan tortib olingan qurollar hisobiga to‘ldirib olgan. Bu haqda bugun, 9 mart kuni Ukraina Prezidenti Vladimir Zelenskiy navbatdagi videomurojaatida ma’lum qildi.

“Harbiylarimiz, teroboronistlarimiz jang maydonida qo‘lga kiritgan ko‘plab harbiy o‘ljalar evaziga texnikamiz arsenalini to‘ldirishga muvaffaq bo‘ldi. Dushmanning tanklari, zirhli texnikasi, o‘q-dorilari endi mudofaamiz, hayotimiz, mamlakatimiz uchun xizmat qiladi. Bosqinchilarni bundan ortiq xorlovchi nima bo‘lishi mumkin?” dedi Prezident.

U rossiyalik harbiylar o‘z quroli bilan yo‘q qilinishini ta’kidlagan.

“Rus qo‘shinlari allaqachon o‘zida juda yaxshi his qilgan, o‘zimizning (qurollarga – tahr.) qo‘shimcha ravishda. Tobora ko‘proq dushman askarlari va qo‘mondonlari o‘zlariga juda oddiy savol berishayotganini his qilishdi: nega ular bu begona yurtga, bu urushga yuborildi? Bizda bir so‘zdan boshqa javob yo‘q – o‘lim (uchun)”, degan Zelenskiy.

Rossiya-Ukraina urushi

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Bundan avvalroq Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirgandi. Ko‘p o‘tmay Prezident Rossiya bilan diplomatik aloqani uzdi. Prezident Zelenskiy mamlakatda harbiy holat e’lon qildi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.

Rus qo‘shinlari hozirgacha Ukrainaga shimol, sharq va janubdan hujum qilib kelmoqda va qator hududlarni egallashga erishdi. Ammo bu urush Rossiyaning dunyoda yakkalanib qolishiga olib keldi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, “Rossiya” banki, “Otkritiya”, “Novikombank”, “Promsvyazbank”, “Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi.

Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi.