Тамаки ва алкоголь савдосида чекловлар янада кўпаяди

Категориялар 2302
image

Алкоголь маҳсулотининг идишида ёрлиқ асосий юзасининг камида олтмиш беш фоизини эгаллайдиган, матнли ёзувни ўз ичига оладиган фототасвир тарзидаги тиббий огоҳлантириш бўлиши керак. Бу ҳақда Норматив-ҳуқуқий ҳужжатлар муҳокамаси порталига жойлаштирилган Ўзбекистон Республикасининг “Ўзбекистон Республикаси айрим қонун ҳужжатларига ўзгартиш ва қўшимчалар киритиш тўғрисида”ги қонуни лойиҳасида келтириб ўтилган.

Лойиҳада, алкоголь ва тамаки маҳсулотларини реализация қилишга доир чеклашлар белгилаб қўйилди.

Алкоголь ва тамаки маҳсулотларини:

•  йигирма ёшга тўлмаган шахсларга;

•  йигирма ёшга тўлмаган шахслар томонидан;

•  болалар ўйинчоқлари, конфетлар ёки болалар ассортиментининг бошқа товарларига ўхшатиб ишланганда;

•  савдо автоматлари орқали;

•  Интернет тармоғи орқали;

•  алкоголь маҳсулоти идишида ёки тамаки маҳсулоти истеъмол ўровида алкоголь ва тамаки маҳсулотларини истеъмол қилиш инсон соғлиғига салбий таъсир кўрсатиши ҳақида тиббий огоҳлантириш бўлмаганда;

•  муклчилик шаклларидан қатъи назар спорт, таълим, тиббиёт муассасалари ва диний муассасаларнинг ҳудудида ва хоналарида, шу жумладан, таълим муассасалари ҳудудлари чегарасидан сунъий ва табиий тўсиқларни ҳисобга олмасдан тўғри чизиқ бўйича икки юз метрдан кам радиусда жойлашган савдо ва умумий овқатланиш корхоналарида;

•  улар техник жиҳатдан тартибга солиш соҳасидаги норматив ҳужжатларга, қонун ҳужжатларида белгиланган бошқа талабларга мувофиқ бўлмаса;

•  акциз маркалари билан тамғаланмаган ҳолда (пиводан ташқари) ёки акциз маркалари қалбаки бўлганда;

•  уларнинг ишлаб чиқарувчисини аниқлаш имконини берадиган тарзда аниқ тамғаланмаган бўлса;

•  доналаб, қутисиз (ўровсиз) — тамаки маҳсулотига нисбатан;

•  уларни ишлаб чиқариш учун лицензияга эга бўлмаган Ўзбекистон Республикаси ишлаб чиқарувчиси томонидан ишлаб чиқарилган бўлса;

•  уларни етказиб бериш ҳуқуқига эга бўлмаган ёки етказиб беришни қонун ҳужжатларини бузган ҳолда амалга оширган маҳсулот етказиб берувчидан олинган бўлса, реализация қилиш мумкин эмас.

•  Умумий овқатланиш корхоналарида, шу жумладан ресторанлар, қаҳвахоналар, барлар, клублар, дискотекалар, кинотеатрлар, компьютер заллари, Интернет тармоғидан фойдаланиш хизматларини кўрсатиш учун жиҳозланган хоналар, ёки одамлар бўладиганбошқа кўнгилочар (ҳордиқ чиқариш) жойларида чилим учун тамаки ва чилим маҳсулоти (хизматлари)ни сотишга йўл қўйилмайди.

•  Чилим маҳсулоти (хизматлари)ни сотиш қонун ҳужжатларига мувофиқ ихтисослаштирилган объектларда амалга оширилади.

•  Чакана савдо ва умумий овқатланиш корхоналарининг пештахталарида, бошқа савдо ускуналарида тамаки маҳсулоти (унинг намуналари)ни қўйиш ва намойиш этишга йўл қўйилмайди.

•  Чакана савдо учун таклиф этиладиган тамаки маҳсулоти ҳақидаги ахборот, истеъмолчиларнинг ҳуқуқларини ҳимоя қилиш тўғрисидаги Ўзбекистон Республикаси қонунчилигига мувофиқ, сотувчи томонидан, сотиладиган тамаки маҳсулоти рўйхатини савдо залида жойлаштириш йўли билан харидорлар эътиборига етказилади, бу рўйхат оқ фонда қора рангдаги бир хил ўлчамли харфларда ёзилган, алфавит тартибида тузилган бўлиб, сотиладиган тамаки маҳсулотининг нархи ҳеч қандай график тасвирлар ва фототасвирларсиз кўрсатилади. Савдо объектида тамаки маҳсулоти харидорга унинг талабига биноан, у сотиладиган тамаки маҳсулоти рўйхати билан таништирилгандан кейин намойиш этилиши мумкин.

•  Бевосита сотув жойида тамаки маҳсулоти истеъмолчи ололмайдиган  ёпиқ жовонларда сақланади. Ёпиқ жовонлар конструктив жиҳатдан шундайишланган бўлиши керакки, уларни очганда тамаки маҳсулоти харидорларга кўринмасин.

•  Алкоголь ва тамаки маҳсулотларини реализация қилиш қонун ҳужжатларига мувофиқ бошқа ҳолларда ҳам чекланиши мумкин.

Эслатиб ўтамиз, қонун лойиҳасига ўзгартириш киритилиши ёки тасдиқланмаслиги мумкин. 

.
Мақолага баҳо беринг
Баҳолаганлар: 34
Рейтинг: 2.9
t
×
×