Ukrainadagi dushman qo‘shinlarining harbiy resurslari tugayapti – Reznikov

Rossiyaning Ukrainadagi harbiy resurslari tugab bormoqda. Bu haqda Ukraina Mudofaa vaziri Oleksiy Reznikov Facebook’dagi sahifasida yozgan. 

Uning qayd etishicha, dushman qo‘shinlarining harbiy resurslari tugugach, logistika inqirozi yuz beradi. 

"Ukrainadagi dushmanning harbiy resurslari tugaydi, keyin esa logistika inqirozi yuz beradi. Buni anglab, dushmanni taslim qilishga moyillik kuchaymoqda. Bitta askarni emas, balki butun boshli vzvodlarni”, deydi Reznikov.

Vazirga ko‘ra, Rossiya harbiylari allaqachon ko‘plab safdoshlarining jasadi Ukraina tuproqlarida qolib ketayotganini tushunib yetgan. Ular Prezident Vladimir Putinning imperiya havasi uchun o‘zini qurbon qilmoqda.   

“Imtihondan 200 ball olgan minglab kursdoshlarining jasadi begona yurtda qolib ketganini ular allaqachon tushunib yetdi. Axir, Moskva ularning o‘limini tan olmaydi, Putin uchun ular o‘z imperatorlik orzusiga erishish uchun to‘p, sarflanadigan materialdir. Ularning ko‘plari allaqachon xiyonat qilishganini tushunishgan", deydi Reznikov.

Rossiyaning Ukrainaga bosqini

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Bundan avvalroq Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirgandi. Ko‘p o‘tmay Prezident Rossiya bilan diplomatik aloqani uzdi. Prezident Zelenskiy mamlakatda harbiy holat e’lon qildi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.

Rus qo‘shinlari hozirgacha Ukrainaga shimol, sharq va janubdan hujum qilib kelmoqda va qator hududlarni egallashga erishdi. Ammo bu urush Rossiyaning dunyoda yakkalanib qolishiga olib keldi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, “Rossiya” banki, “Otkritiya”, “Novikombank”, “Promsvyazbank”, “Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi.

Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi.