Turkmanistonda koronavirusga qarshi tibbiy niqob va qo‘lqop kiygan odam jarimaga tortiladi

north_east

Mamlakatda koronavirus aniqlansa yashirmaymiz – Turkmaniston tashqi ishlar vaziri

Turkmanistonda hali ham bironta ham koronavirus holati rasman qayd etilmagan. U yerda so‘nggi qo‘ng‘iroqlar bo‘lib o‘tdi, ommaviy tantanalarga, yozgi ta’tilga tayyorgarlik ko‘rilmoqda. Mamlakat koronavirus pandemiyasi yo‘qdek yashaydi va ko‘pchilik odamlar orasida bo‘lish xavfli emas.

OAV xabarlariga ko‘ra, Respublikada koronavirus haqida gapirish taqiqlangan. Niqob va qo‘lqop kiygan odamlarga jarima solinadi va hatto ular jinoiy javobgarlikka tortilishi mumkin.

Ayni paytda Turkmaniston hukumati boshqa davlatlar bilan pandemiya haqida fikr almashmoqda. Masalan, Berdimuhamedov Turkiya Prezidenti Erdo‘g‘anni kasallik tashxisi va davolash usullarini takomillashtirishdagi ijobiy tajribasi bilan tabrikladi. 26 may kuni Turkmaniston Sog‘liqni saqlash vazirligi vakillari JSSTning Yevropa mintaqaviy byurosi ekspertlari bilan videokonferensiya o‘tkazdilar. Ammo JSST ekspertlarining ushbu mamlakatga tashrifi haqida aytilmagan. Ular may oyining boshida ushbu mamlakatga tashrif buyurmoqchi edilar.

Aprel oyining oxirigacha O‘rta Osiyoda koronavirus mavjud bo‘lmagan ikki mamlakat - Tojikiston va Turkmaniston bor edi. Jahon sog‘liqni saqlash tashkiloti ushbu mamlakatlarga tashrif buyurish niyatini e’lon qilganda, darhol COVID-19 Tojikistonda topilgan. Kasallik va o‘lim hollari ko‘paymoqda. JSST delegatsiyasi Turkmanistonga tashrif buyurgani haqida hech qanday xabar yo‘q.

AQSH hukumati Turkmanistonning COVID-19 ning oldini olishga qaratilgan sa’y-harakatlarini qo‘llab-quvvatlash uchun qo‘shimcha 500 000 dollar ajratdi. Shu bilan birga, AQSHning Turkmanistondagi elchixonasi Amerika bu mamlakatga COVID-19 bilan kurashish uchun qo‘shimcha 500 000 dollar ajratganligini xabar qildi, AQSH hukumatining mamlakatga taqdim etgan jami mablag‘lari 1,42 million dollarni tashkil qildi.

Berilgan mablag‘ bilan Turkmaniston Ta’lim vazirligi gigiyena amaliyotini targ‘ib qiladi va maktablarda hamda boshqa muassasalarda COVID-19 profilaktikasi uchun qo‘shimcha materiallar bilan ta’minlaydi. Elchixona "Turkmaniston o‘z chegaralarida COVID-19 tasdiqlangan holatlari to‘g‘risida xabar bermadi. Ammo COVID-19 tarqalishining oldini olish va kelajakda tasdiqlangan holatlarga tayyorgarlik ko‘rish uchun choralar ko‘rdi" deb ta’kidladi.