ISW Rossiya urushda qaysi hududlarni egallashga bel bog‘laganini ma’lum qildi

Amerikaning Urushni o‘rganish instituti (ISW) eng faol harbiy harakatlar olib borilayotgan, shuningdek, Ukrainaga qarshi urushda Rossiya Federatsiyasi uchun ustuvor bo‘lgan yo‘nalishlarni ma’lum qildi.

ISW hisobotida qayd etilishicha, bosqinchilar va ukrainalik harbiylar quyidagi hududlarda faol kurash olib bormoqda: Xarkov shahri va Xarkov viloyatining shimoli-sharqiy qismi Izyum-Slavyansk liniyasi bo‘ylab; Siversko-Lisichanskiy tumani; Baxmut; Avdeyevka-Donetsk shaharlari hududi; Ukraina janubi.

ISW’ning ta’kidlashicha, bu joylashuvlar Kreml o‘z qo‘shinlarini Baxmut atrofida va ehtimol Siverskda oldinga boshlashni ma’qul ko‘rayotganidan dalolat beradi, shu bilan birga “DXR” deb atalmish kuchlarning faolligidan foydalanib, 2014 yildan beri ular Avdeyevka yo‘nalishida ular egallay olmagan erisha olmagan hududlarni egallashga harakat qilmoqda.

Izyum va Slavyansk atrofida ko‘ngillilar batalonlarining ko‘p to‘planishi bu hudud Rossiyaning diqqat markazida emasligi va ukrainaliklarning qarshi hujumlariga dosh berolmasligin ko‘rsatadi.

Hisobotga ko‘ra, Xerson viloyati va uning atrofida Ukraina Qurolli Kuchlarining to‘planishi, ayniqsa, ularning qarshi hujumni davom ettirishi, Rossiya qo‘mondonligi va nazorati uchun jiddiy qiyinchiliklar tug‘dirishi mumkin. Shu bilan birga, ISW janubiy yo‘nalish bo‘ylab rus qo‘shinlarining tarkibi boshqa yo‘nalishlarga qaraganda nisbatan xilma-xil ekanini ta’kidlagan.

Rossiya-Ukraina urushi

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegarasida tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Bundan avvalroq Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirgandi. Ko‘p o‘tmay Prezident Rossiya bilan diplomatik aloqani uzdi. Prezident Zelenskiy mamlakatda harbiy holat e’lon qildi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.

Rus qo‘shinlari hozirgacha Ukrainaga shimol, sharq va janubdan hujum qilib kelmoqda va qator hududlarni egallashga erishdi. Ammo bu urush Rossiyaning dunyoda yakkalanib qolishiga olib keldi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, “Rossiya” banki, “Otkritiya”, “Novikombank”, “Promsvyazbank”, “Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi.

Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi.

Yevropa mamlakatlari allaqachon Rossiya neftini yetkazib berishni almashtirishni boshlagan. Misol uchun, may oyining oxirida Birlashgan Arab Amirliklari ikki yillik tanaffusdan so‘ng Yevropaga neft yetkazib berishni tikladi.