Chaplinoga hujum: Rossiya 22 kishining “yostig‘ini qurutgan” qirg‘inga munosabat bildirdi

Olam

image

Rossiya Mudofaa vazirligi Dnepropetrovsk viloyatining Chaplino shahridagi temir yo‘l vokzaliga raketa bilan zarba berilganini tasdiqladi. Bu haqda Rossiya Federatsiyasi Mudofaa vazirligi bayonotida aytiladi.

Biroq RF tomoni vokzalga hujumda tinch aholi vakillari halok bo‘lib, turar-jon binolari vayron bo‘lganini emas, Ukraina harbiylarining esheloni yo‘q qilingani haqida ma’lumot bergan.

“Dnepropetrovsk viloyatidagi Chaplino temir yo‘l vokzalidagi harbiy eshelonga “Iskandar” raketasining to‘g‘ridan-to‘g‘ri urilgani natijasida Ukraina Qurolli Kuchlarining zaxiradagi 200 dan ortiq harbiy xizmatchilari va Donbassdagi jangovarga yo‘l olgan 10 ta harbiy texnikasi vayron qilindi”, deyiladi Rossiya Mudofaa vazirligi bayonotida.

Eslatib o‘tamiz, kecha, 24 avgust kuni Rossiya Ukrainaning Dnepropetrovsk viloyatidagi Chaplino vokzaliga raketa hujumi uyushtirdi. Oqibatda hozirgacha 22 kishi qurbon bo‘ldi. Shuningdek, 50 ga yaqin odam jarohatlangan. Qurbonlar orasida shuningdek, 6 yashar bola ham bor.

AQSH Davlat kotibi Entoni Blinken Chaplino vokzaliga hujumga munosabat bildirib, uni vahshiylik deb baholadi.

Rossiya-Ukraina urushi

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Bundan avvalroq Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirgandi. Ko‘p o‘tmay Prezident Rossiya bilan diplomatik aloqani uzdi. Prezident Zelenskiy mamlakatda harbiy holat e’lon qildi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.

Rus qo‘shinlari hozirgacha Ukrainaga shimol, sharq va janubdan hujum qilib kelmoqda va qator hududlarni egallashga erishdi. Ammo bu urush Rossiyaning dunyoda yakkalanib qolishiga olib keldi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, “Rossiya” banki, “Otkritiya”, “Novikombank”, “Promsvyazbank”, “Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi.

Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi.


Maqola muallifi

Teglar

Rossiya-Ukraina urushi Ukrainaga bosqin

Baholaganlar

30

Reyting

3.2

Maqolaga baho bering

Doʻstlaringiz bilan ulashing