Лавров Путинни Гитлерга қиёслаган Польша расмийларига жавоб қайтарди

Олам

image

Россия Ташқи ишлар вазири Сергей Лавров Россия Президенти Владимир Путинни Адольф Гитлерга қиёслаган Польша Президенти Анжей Дудага ўз мамлакати тарихини ўрганишни маслаҳат берди. Бу ҳақда ТАСС ҳабар қилди.

“Биласизми, кўплаб европалик, украиналик сиёсатчиларнинг баёнотларини шарҳлаш менга қийин. Бундай фикларни билдирган Польша ва унинг раҳбарларига ўз тарихларини ва ўша воқеаларни ўрганишни маслаҳат бериш яхшироқдир. Бу Польша тарихига асосланади”, дейди вазир журналистларга.

Шунингдек, Лавров Россия билан мулоқотни рад этаётган Польшани Украина ҳудудини фаол равишда ўзлаштира бошлашда айблади.

“Ҳозирча биз Россия билан ҳеч қандай мулоқотга йўл қўйиб бўлмаслиги ҳақидаги гаплар ортида польшалик ҳамкасблар Украина ҳудудини фаол равишда ўзлаштиришни бошлаганини кўряпмиз”, дея қўшимча қилди у.

Эслатиб ўтамиз, Польша Бош вазири Матеуш Моравецкий Россия Президенти Владимир Путинни Адольф Гитлер ва Иосиф Сталиндан хавфлироқ деб ҳисоблашини айтган эди. 

“Путин Гитлер ёки Сталин эмас. Афсуски, у хавфлироқ. Путин ихтиёрида нафақат ҳалокатли қуроллар [бор], балки оммавий ахборот воситаларидан ҳам ўз  тарғиботини тарқатишда фойдаланади”, деган эди Матеуш Моравецкий.

Россия-Украина уруши

Жорий йилнинг 21 февраль куни Россия Президенти Владимир Путин Кремлда Украина шарқидаги ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолади. Кейинроқ РФ республикаларни шу номдаги вилоятлар чегарасида тан олганини таъкидлаб, Украинага қарши уруш хавфини ошириб юборди.

Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари ҳам Россияга қарши санкциялар киритди.

24 февраль куни Россия Президенти Владимир Путин Украина шарқида Донбассда рус ҳарбийлари "махсус ҳарбий операция" бошлаганини эълон қилди ва рус қўшинлари Украинага ҳужум бошлади. Путин бу ҳаракатини Украина шарқидаги россияпараст сепаратист кучлар раҳбарлари шундай сўров юборгани билан оқлади.

Бундан аввалроқ Зеленский Россия фуқароларига рус тилида мурожаат қилиб, украинларга “на совуқ, на иссиқ, на гибрид уруш керак эмас”лигини, украинлар ҳужумчиларни кутиб олишга тайёрлигини билдирганди. Кўп ўтмай Президент Россия билан дипломатик алоқани узди. Президент Зеленский мамлакатда ҳарбий ҳолат эълон қилди.

25 февраль куни Зеленский Украинада умумий ҳарбий сафарбарлик эълон қилди. Армияга чақирув мамлакатнинг қатор вилоят ва шаҳарларида амалга оширилиши белгиланди.

Рус қўшинлари ҳозиргача Украинага шимол, шарқ ва жанубдан ҳужум қилиб келмоқда ва қатор ҳудудларни эгаллашга эришди. Аммо бу уруш Россиянинг дунёда яккаланиб қолишига олиб келди.

Украинага ҳужум бошланиши Россия иқтисодига оғир зарба берди. Рус компаниялари акциялари кескин арзонлашди, Москва биржасида савдолар мислсиз даражада пасайиш билан ўтди. Газпром, ЛУКОЙЛ ва бошқа йирик компаниялар йўқотишларга учради.

Ҳужум бошлангач, Европа давлатлари ва АҚШ Россияга қарши бир неча босқичли санкциялар жорий қилди. Россиянинг ВТБ, “Россия” банки, “Открытия”, “Новикомбанк”, “Промсвязьбанк”, “Совкомбанк” ва ВЭБ.РФ банклари SWIFT халқаро банклараро тизимидан узилди. АҚШ ва Европа Иттифоқи Россиянинг олтин-валюта захирасини блоклади.

Европа давлатлари, АҚШ, Канада Россия учун ўз ҳаво ҳудудини ёпди. Бу санкцияларга нейтрал давлат ҳисобланган Швейцария ҳам қўшилди. Уруш фонида Украинани Европа Иттифоқи аъзолигига қабул қилиш жараёни тезлашди.


Мақола муаллифи

Теглар

Гитлер Россия-Украина уруши Украинага босқин

Баҳолаганлар

71

Рейтинг

3.1

Мақолага баҳо беринг

Дўстларингиз билан улашинг