АҚШ ўз омадини синади. Баку ва Ереван яна сулҳга эришди

Олам

image

Бугун, 26 октябрда Озарбайжон ва Арманистоннинг келишувчи асосида Тоғли Қорабоғда янги сулҳ кучга кирди.

Озарбайжон Ташқи ишлар вазири Жайхун Байрамов ва Арманистон Ташқи ишлар вазири Зограб Мнацаканяннинг АҚШ Давлат котиби ўринбосари Стивен Биган билан учрашув якунига кўра, Тоғли Қорабоғда янги гуманитар сулҳ эълон қилинди.

Қўшма баёнот Америка Давлат депаратменти сайтида эълон қилинди. Ўт очишни тўхтатиш режими 26 октябрь соат 8:00 дан кучга кирди.

Арманистон Бош вазири Никол Пашинян мамлакати ўт очишни тўхтатиш режимига амал қилишга тайёрлигини билдирди. 

Озарбайжон Мудофаа вазирлиги ҳам Қорабоғдаги барча қарама-қаришилк чизиғи бўйлаб ўт очишни тўхтатиш режимига амал қилишини маълум қилди.

Эслатиб ўтамиз, Озарбайжон ва Арманистон Россия воситачилигида сулҳга эришди. Аммо бу сулҳнинг умри бир неча соат давом этди. Кейинроқ, томонлар яна ўт очишни тўхтатишга қарор қилди. Бу сафар ҳам режим узоққа бормади.

Расмий Бакуга кўра, Арманистон Қуролли Кучлари жорий йилнинг 27 сентябрь куни соат 06:00 дан бошлаб Озарбайжонга қарши кенг кўламли провокацияларни амалга оширди, бутун фронт бўйлаб Озарбайжон армиясининг позицияларини, шунингдек, олдинги чизиқ зонасида жойлашган аҳоли пунктларини ўққа тутди.

Арманистон ҳужум Озарбайжон қуролли кучлари томонидан бошланганини айтмоқда. Озарбайжон эса қуролли тўқнашувга нисбатан жавоб ҳужумлари бошлаганини расман эълон қилиб, Арманистон чегарасидаги тинч аҳоли вакилларини чегара ҳудудларидан четга чиқишларини сўради.

Ҳолат бўйича Озарбайжон Республикаси Президенти Илҳом Алиев халққа мурожаат билан чиқиб, тўқнашув Озарбайжоннинг провокацияси эмаслигини айтди.

Никол Пашинян эса мамлакатда ҳарбий ҳолат ва умумий сафарбарлик эълон қилди.  Бунинг ортидан Илҳом Алиев мамлакатда ҳарбий ҳолат ва комендантлик соати эълон қилиш ҳақидаги фармонга имзо чекди. Шунингдек, Алиев 28 сентябрь куни қисман сафарбарлик эълон қилиш ҳақидаги ҳужжатни имзолади

Озарбайжон ва Арманистон ўртасида кескинлик авж олгандан кейин Ташқи ишлар вазири Сергей Лавров икки мамлакат Ташқи ишлар вазирлари билан телефон орқали мулоқот қилиб, уларни музокаралар столига қайтишга чақирган эди. Президент Владимир Путин эса Никол Пашинян билан мулоқот қилиб, масалани тинч йўл билан ҳал этишни тавсия қилди. Бу орада Озарбайжон Президенти Илҳом Алиев асосий куч ва дастакни Туркия Республикасидан олаётгани маълум бўлди. Шу куни Туркия ва Озарбайжон Президентлари телефон орқали мулоқот қилдилар ва Эрдўған турк халқи ва давлати Озарбайжонни бор имконияти билан қўллаб-қувватлашини эслатди

Озарбайжон ва Арманистон ўртасидаги Тоғли Қорабоғ можароли зонасидаги вазият кўп жиҳатдан Россияга боғлиқ. Россия Бирлашган Миллатлар Ташкилоти Хавфсизлик Кенгашининг доимий аъзоси, шунингдек Европада хавфсизлик ва ҳамкорлик ташкилоти Минск гуруҳининг ҳамраиси. 1 октябрь куни гуруҳ ҳамраислари – АҚШ, Россия ва Франция Тоғли Қорабоғ масаласида қўшма баёнот эълон қилдилар

 


Мақола муаллифи

Теглар

Қорабоғ тўқнашуви

Баҳолаганлар

50

Рейтинг

3.2

Мақолага баҳо беринг

Дўстларингиз билан улашинг