АҚШ Украинага керак бўлган нарсаларни керакли вақтда етказиб беришини исботламоқчи

Олам

image

Америка Қўшма Штатлари яқинда Украинага 775 миллион долларгача бўлган яна бир ҳарбий ёрдам пакетини юбормоқчи. Бу ҳақда ТАСС бугун, 19 август куни Пентагоннинг юқори мартабали вакилига таяниб, хабар берди. 

“Биз жорий қилмоқчи бўлган яна бир йирик ҳарбий ёрдам пакетига эгамиз. Бу бизнинг Украинага керак бўлган нарсаларни, керак бўлган вақтда етказиб бериш анъаналаримизни давом эттиришимиздан далолатдир. Ушбу пакет кўламини тез орада эълон қиламиз, қиймати 775 миллион долларгача бўлиши кутилмоқда”, деган исми сир тутилган Пентагон расмийси.

Унинг сўзларига кўра, пакетга 15 та “Sky Eagle” паст кузатилувчи разведка учувчисиз учиш аппаратлари, HARM (Юқори тезликда ҳаракатланувчи анти-радар ракеталари), танкга қарши ракета тизимлари – Javelin ва TOW киради.

Эслатиб ўтамиз, АҚШ Президенти Жо Байден 22 июль куни Украинага навбатдаги 270 млн долларга тенг ҳарбий ёрдам пакетини етказиш тўғрисидаги ҳужжатни имзолаган эди.

Россия-Украина уруши

Жорий йилнинг 21 февраль куни Россия Президенти Владимир Путин Кремлда Украина шарқидаги ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолади. Кейинроқ РФ республикаларни шу номдаги вилоятлар чегарасида тан олганини таъкидлаб, Украинага қарши уруш хавфини ошириб юборди.

Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари ҳам Россияга қарши санкциялар киритди.

24 февраль куни Россия Президенти Владимир Путин Украина шарқида Донбассда рус ҳарбийлари "махсус ҳарбий операция" бошлаганини эълон қилди ва рус қўшинлари Украинага ҳужум бошлади. Путин бу ҳаракатини Украина шарқидаги россияпараст сепаратист кучлар раҳбарлари шундай сўров юборгани билан оқлади.

Бундан аввалроқ Зеленский Россия фуқароларига рус тилида мурожаат қилиб, украинларга “на совуқ, на иссиқ, на гибрид уруш керак эмас”лигини, украинлар ҳужумчиларни кутиб олишга тайёрлигини билдирганди. Кўп ўтмай Президент Россия билан дипломатик алоқани узди. Президент Зеленский мамлакатда ҳарбий ҳолат эълон қилди.

25 февраль куни Зеленский Украинада умумий ҳарбий сафарбарлик эълон қилди. Армияга чақирув мамлакатнинг қатор вилоят ва шаҳарларида амалга оширилиши белгиланди.

Рус қўшинлари ҳозиргача Украинага шимол, шарқ ва жанубдан ҳужум қилиб келмоқда ва қатор ҳудудларни эгаллашга эришди. Аммо бу уруш Россиянинг дунёда яккаланиб қолишига олиб келди.

Украинага ҳужум бошланиши Россия иқтисодига оғир зарба берди. Рус компаниялари акциялари кескин арзонлашди, Москва биржасида савдолар мислсиз даражада пасайиш билан ўтди. Газпром, ЛУКОЙЛ ва бошқа йирик компаниялар йўқотишларга учради.

Ҳужум бошлангач, Европа давлатлари ва АҚШ Россияга қарши бир неча босқичли санкциялар жорий қилди. Россиянинг ВТБ, “Россия” банки, “Открытия”, “Новикомбанк”, “Промсвязьбанк”, “Совкомбанк” ва ВЭБ.РФ банклари SWIFT халқаро банклараро тизимидан узилди. АҚШ ва Европа Иттифоқи Россиянинг олтин-валюта захирасини блоклади.

Европа давлатлари, АҚШ, Канада Россия учун ўз ҳаво ҳудудини ёпди. Бу санкцияларга нейтрал давлат ҳисобланган Швейцария ҳам қўшилди. Уруш фонида Украинани Европа Иттифоқи аъзолигига қабул қилиш жараёни тезлашди.


Мақола муаллифи

Теглар

Россия-Украина уруши

Баҳолаганлар

11

Рейтинг

3.1

Мақолага баҳо беринг

Дўстларингиз билан улашинг