Расман: Лионель Месси ПСЖ футболчисига айланди

Спорт 8779
image

Лионель Месси эркин агент сифатида Франциянинг ПСЖ клуби сафига текинга кўчиб ўтди. Бу ҳақда француз клубининг Instagram’даги саҳифаси маълумот бермоқда.

Футболчи янги клуби билан 2+1 кўринишида йилига 50 миллион еврога мўлжалланган шартнома имзолади. Месси бугун, 10 август куни Париж клуби учун тиббий кўрикдан ўтади.

Месси янги клуби сафида 30-рақамда тўп суриши айтилмоқда. Қайд этиш керакки, ПСЖ юлдузи Неймар Мессига ўзининг 10-рақамини бермоқчи бўлгани, бироқ Месси бу таклифни рад этган. Маълумот учун, Лео “Барселона”даги дебют баҳсида ҳам айнан 30-рақамда майдонга тушган эди. 

Аргентиналик футбол юлдузи, Испаниянинг “Барселона” клуби сафида 18 йил давомида тўп суриб, 6 та “Олтин тўп” совринини қўлга киритган.

Абдулла Маннонов
Мақолага баҳо беринг
Баҳолаганлар: 504
Рейтинг: 2.9
t
×