Қаршида бир гуруҳ босқинчи жиноят устида қўлга олинди

Категориялар 4733
image

Қарши шаҳрида 6 кишидан иборат гуруҳ босқинчилик устида қўлга олинди. Бу ҳақда Ички ишлар вазирлиги Тергов Департаменти Матбуот хизмати хабар берди.

Жорий йилнинг 7 ноябрь куни тахминан соат 02:00 да 41 ёшли Г.Т.нинг пулдор жабрланувчи ҳақидаги берган маълумотига кўра, 32 ёшли И.Д. жиноий шериклари 20 ёшли Ж. С., 20 ёшли Ш.О., 21 ёшли Ф.Т., 34 ёшли О.С.  ва 35 ёшли С.Х. юзларига ниқоб кийиб, темир труба ва пичоқ ҳамда скотч ёрдамида, Қарши шаҳар “Араловул” МФЙда яшовчи 63 ёшли фуқаро М.А.нинг уйига босқинчилик учун кирган. Жиноятни содир этаётган вақтларида Қашқадарё вилояти ИИБ ходимлари томонидан амалга оширилган тезкор тадбир натижасида ушланган.

Ҳодиса жойини кўздан кечириш жараёнида ушланган шахслардан ашёвий далиллар ҳужжатлаштириб олинган. 

Мазкур ҳолат юзасидан 7 ноябрь куни Қарши шаҳар ИИО ФМБ ҳузуридаги тергов бўлими томонидан Жиноят кодексининг 164-моддаси 3-қисми “в” банди (босқинчилик,  уй-жойга ғайриқонуний равишда кириш) билан жиноят иши қўзғатилган. 

Жиноят содир этишда иштирок этган барча шахсларга айблов эълон қилиниб,  ҳозирда жиноят иши бўйича дастлабки тергов ҳаракатлари давом эттирилмоқда.

Суннатилла Абдуллаев
Мақолага баҳо беринг
Баҳолаганлар: 201
Рейтинг: 2.9
t
×