Божхона ҳудудидаги баъзи товарлар тақиқ ва чекловлардан озод этилади 

Категориялар 1934
image

Tоварни божхона ҳудудида қайта ишлаш операциялари маълум қилинди. Бу ҳақда Норматив-ҳуқуқий ҳужжатлар лойиҳалари муҳокамаси порталига жойлаштирилган Ўзбекистон Президентининг “Ўзбекистон Республикаси божхона ҳудудида товарларни қайта ишлаш режимини қабул қилиш тўғрисида”ги қарор лойиҳасида келтириб ўтилган.

Ҳужжатга мувофиқ, 2020 йил 1 январдан қуйидагича тартиб ўрнатилади:

а) товарни божхона ҳудудида қайта ишлашга қуйидаги талабларга ва шартларга риоя этган ҳолда йўл қўйилади:

•  олиб кирилган товарни уни қайта ишлаш маҳсулотларида идентификациялаш;

•  қайта ишлаш маҳсулотларининг чиқиш нормасини белгилаш;

•  товарларни тақиқ ва чекловлардан истисно этиш;

б) товарни божхона ҳудудида қайта ишлаш операциялари қуйидагилардан иборат:

•  товарларни ишлаб чиқариш;

•  товарларни қайта ишлаш, шу жумладан монтаж қилиш, йиғиш, ёки бошқа товарларга мослаштириш;

•  товарни таъмирлаш, шу жумладан уни тиклаш ва иш ҳолатига келтириш;

•  қадоқлаш, ўраш и саралаш;

•  товарларни тозалаш.

Эслатиб ўтамиз, лойиҳага ўзгартириш киритилиши ёки тасдиқланмаслиги мумкин.

Qalampir.uz Tahririyati
Мақолага баҳо беринг
Баҳолаганлар: 54
Рейтинг: 2.9
t
×
×