Zelenskiy bunkerga yashirindi – CNN

Ukraina Prezidenti Vladimir Zelenskiy yashirib qo‘yildi. Bu haqdagi ma’lumotlarni CNN tarqatmoqda.  

“Rossiya qo‘shinlari Kiyevga yaqinlashayotgan bir vaqtda Zelenskiy bunkerga olib ketildi”,  deyiladi xabarda. 

Bunker Kiyevda yoki boshqa joyda ekanligi noaniqligicha qolmoqda.

Avvalroq, Vladimir Zelenskiy rus qo‘shinlarining “1-raqamli nishon”i o‘zi, “2-raqamli nishon” esa uning oilasi ekanini ma’lum qilgandi. 

Shuningdek, Zelenskiyga Rossiyaning Ukrainadagi harbiy amaliyotlari natijasida 137 kishi halok bo‘lgan va 316 kishi yaralangan. Zmeiniy orolidagi janglarda navbatchilikda bo‘lgan barcha chegarachilarni o‘ldirganini ham aytib o‘tgan.

Kecha, 24 fevral kuni Zelenskiyning mamlakatdan qochgani haqida xabarlar tarqalgan edi. Ukraina Prezidenti ma’muriyati bu xabarlarni “haqiqatdan yiroq” deb atadi va mamlakat rahbari o‘z ofisida ishini davom ettirayotganini ma’lum qildi. Hozirgacha Prezident ofisidan uning bunkerga yashirilgani haqida rasmiy ma’lumot berilmagan. 

Rossiyaning Ukrainaga bosqini

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Buning ortidan Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirdi. Ko‘p o‘tmay Prezident Rossiya bilan diplomatik aloqani uzdi.

Rus qo‘shinlari dastlab Kiyev va Xarkovga raketa hujumi uyushtirdi. Prezident Zelenskiy mamlakatda harbiy holat e’lon qildi. Shuningdek, rasmiy idora rus qo‘shinlari Xarkov va Odessa viloyatiga kirib borganini bildirdi.

Hujum boshlanganidan ko‘p o‘tmay, LXR Ichki ishlar vaziri maslahatchisi Vitaliy Kiselev Schaste va Stanitsa shaharchalari LXR nazoratiga o‘tganini e’lon qildi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.