Ukrainani majburlash vaqti keldi – Lavrov

Ukrainani Minsk kelishuvlarini bajarishga majburlash vaqti keldi. Rossiya Tashqi ishlar vaziri Sergey Lavrov bugun, 21 yanvar kuni Jenevada Sergey Lavrov bilan xavfsizlik kafolatlari bo‘yicha muzokaralarda aytib o‘tdi.

“Biz yana bir bor, bugun ham, Germaniya Tashqi ishlar vaziri bilan bo‘lganimizda ham, fransuz hamkasblarimiz bilan muloqotda Kiyev rejimining qilmishini ma’qullashni to‘xtatish va uni shunchaki va’da qilingan ishni bajarishga majburlash vaqti keldi, degan savolni keskin ko‘tardik va bu BMT Xavfsizlik Kengashi tomonidan ma’qullandi”, degan Lavrov Blinkenning muzokaralaridan so‘ng o‘tkazilgan matbuot anjumanida.

Moskva Kiyev Minsk kelishuvlariga rioya qilmayotganini va Donbassdagi mojaroni hal qilish bo‘yicha muzokaralarni cho‘zayotganini bir necha bor ta’kidlagani aytilmoqda. Shuningdek, Ukraina Qurolli Kuchlari to‘qnashuv chizig‘ida to‘plangani va NATO davlatlarining harbiy texnikasini Rossiyaga tortib olganini qayd etilmoqda.

Ma’lumot o‘rnida, AQSH Rossiyaning Ukrainaga  “bosqini” joriy yil yanvar-fevral oylarining o‘rtalarida boshlanishi mumkinligini ma’lum qildi.

Bunga javoban Rossiyaning Vashingtondagi elchixonasi Oq uyning Ukrainaga bosqin uyushtirish vaqti haqidagi bayonotini soxta va axborot bosimi deya atagan.

“Conflict Intelligence Team” (CIT) esa Rossiya “Iskandar” raketalar majmuasini va yana boshqa og‘ir texnikalarni g‘arbiy chegaralari tomon tashiyotganini  ma’lum qildi. Unga ko‘ra, raketalar kompleksi va zirhli artilleriya ortilgan poyezdlar mamlakat Sharqiy harbiy okrugidan g‘arbga tomon harakatlangan.

Shu o‘rinda, Rossiya Tashqi ishlar vazirligi rasmiy vakili ham Britaniya Ukrainaga qurol yuborayotganini, allaqachon oltita reys kelganini aytdi.

Bundan tashqari, Kanada ham maxsus topshiriqlar bo‘linmasining kichik kontingentini NATO harbiy alyansi va Rossiya o‘rtasidagi ziddiyat kuchaygan bir paytda Ukrainaga joylashtirdi. Shuningdek, Buyuk Britaniya Qurolli Kuchlarining maxsus operatsiyalar uchun tashkil etilgan elita harbiy bo‘linmasining 30 nafar jangchisini Ukrainaga yubordi.