Tojikiston bilan chegaradan evakuatsiya qilingan Qirg‘iziston aholisi uylariga qaytdi
Olam
−
06 iyun 2021 4221
Avvalroq Tojikiston bilan chegaradagi mojaro sabab Qirg‘izistonning O‘sh viloyati Chon-Olay tumanida beshta qishloq aholisi evakuatsiya qilingani haqida xabar berilgandi. Evakuatsiya qilingan fuqarolari doimiy yashash joylariga qaytib keldi. Bu haqda tuman ma’muriyati vakili ma’lum qildi.
“Hammasi bo‘lib 8 mingdan ortiq odam evakuatsiya qilingandi, shu kungacha 7 mingga yaqin aholi o‘z uylariga qaytdi”, deydi u,
Eslatib o‘tamiz, joriy yilning 4 iyun kuni Qirg‘iziston Respublikasi Vazirlar Mahkamasi Tojikiston bilan davlat chegarasida vaziyat keskinlashganini ma’lum qildi. Shundan so‘ng, O‘sh viloyati Chon-Olay tumanida beshta qishloq aholisi evakuatsiya qilindi.
Tojikiston Respublikasi Milliy xavfsizlik davlat qo‘mitasi Chegara qo‘shinlari Matbuot markazi Qirg‘iziston tomoni tarqatgan bayonotning haqiqatga mos kelmasligini qayd etib, uni rad etdi.
Live
Barchasi
