Тожик-қирғиз чегарасида вазият яна кескинлашди

Олам 13097
image

Қирғизистон-Тожикистон давлат чегарасида вазият кескинлашди. Бу ҳақда Қирғизистон Республикаси Вазирлар Маҳкамаси хабар бермоқда.

Маълум қилинишича, Тожикистон Республикаси ҳарбий хизматчилари делимитация ва демаркация жараёни тугагунига қадар қирғиз-тожик давлат чегарасининг таърифланмаган участкаларида ҳар қандай ишларни олиб боришни тақиқлаш тўғрисида илгари эришилган келишувларга қарамай, келишувларни бузган.

Хабарга кўра, улар бугун, 4 июнь куни соат 03:00 да Қирғизистон Республикаси ҳудудига 1000 метр чуқурликдан кириб, Ўш вилояти Чон-Олай тумани “Унжу-Булак” давлат чегарасининг таърифланмаган қисмида контейнер ўрнатган.

“Тожик томони илгари эришилган келишувларни бузган ҳолда вазиятни кескинлаштирди ва қирғиз-тожик давлат чегарасидаги вазиятни янада оғирлаштирди, бу яхши қўшничилик ва дўстона муносабатларга тўғри келмайди”, дейилади баёнотда.

Қайд этилишича, Қирғизистон Республикаси Миллий хавфсизлик давлат қўмитасининг раҳбари генерал-лейтенант Қамчибек Тошиев қирғиз-тожик давлат чегарасини делимитация ва демаркация қилиш бўйича Қирғизистон Республикаси делегациясининг раҳбари сифатида Вазирлар Маҳкамасининг чегара масалалари бўйича махсус вакили Назирбек Борубаев ва Ер ресурслари давлат агентлиги директори Абдулат Мирзаев мавжуд вазиятни ҳал қилиш учун кўрсатилган ҳудудга ктиб борган.

Эслатиб ўтамиз, жорий йилнинг 28 апрель куни Қирғизистоннинг Боткен вилояти Кўк-Тош қишлоғи яқинидаги “Головной” сув олиш жойидаги давлат чегарасининг қирғиз-тожик қисмида икки мамлакат маҳаллий аҳолиси ўртасида тўқнашув содир бўлди. 29 апрелда Қирғизистон ва Тожикистон хавфсизлик кучлари ўртасида қуролли тўқнашувга айланди. Қирғизистоннинг Боткен вилояти Боткен ва Лайлак туманларида отишмалар 30 апрель ва 1 май кунлари давом этди.

1 май куни томонлар сулҳни тўлиқ тўхтатиш ва чегарадан кучларни олиб чиқиб кетиш тўғрисида келишиб олишга муваффақ бўлди. Худди шу куни тожикистонлик ҳарбийлар Қирғизистон ҳудудидан чиқиб кетди.

Умиджон Нозимжонов
Мақолага баҳо беринг
Баҳолаганлар: 311
Рейтинг: 3
t
×