Mirziyoyev va Lukashenko Aliyevni tabrikladi

Jamiyat

image

O‘zbekiston Prezidenti Shavkat Mirziyoyev hozirda mamlakatda bo‘lib turgan Belarus rezidenti Aleksandr Lukashenko bilan birgalikda Ozarbayjon yetakchisi Ilhom Aliyevga qo‘ng‘iroq qilib, uni prezidentlik saylovidagi g‘alabasi bilan tabrikladi. Bu haqda Prezident Matbuot kotibi Sherzod Asadov ma’lum qildi.

“Kamdan-kam uchrab turadigan hodisa - ikki mamlakat yetakchisi birgalikda uchinchi mamlakat rahbariga telefon qilmoqda. Shavkat Mirziyoyev va Aleksandr Lukashenko ozarbayjonlik mavqedoshi Ilhom Aliyevni Prezidentlik saylovi muvaffaqiyatli o‘tkazilgani bilan tabrikladi”, deydi Prezident Matbuot kotibi.

Ma’lumot uchun, kecha, 7 fevral kuni  Ozarbayjonda navbatdan tashqari prezidentlik saylovlari bo‘lib o‘tdi. 93,3 foiz saylovchilarning ovozlari hisob-kitobiga ko‘ra, Ilhom Aliyev 92,05 ovoz bilan mutlaq g‘alaba qozondi.

Eslatib o‘tamiz, kecha, 7 fevral kuni Lukashenko O‘zbekistonga kelgan, uni Toshkent xalqaro aeroportida Bosh vazir Abdulla Aripov kutib olgandi. Shundan so‘ng Prezident Mirziyoyev Lukashenko bilan birga xokkey o‘yinini tomosha qilishga “Humo Arena” muz saroyiga bordi. U yerda oliy martabali mehmonlarga ularning ismlari tushirilgan xokkey kiyimi topshirildi.


Maqola muallifi

Teglar

Shavkat Mirziyoev O'zbekiston Ozarbayjon Ilhom Aliev saylov Belarus' Aleksandr Lukashenko

Baholaganlar

0

Reyting

3

Maqolaga baho bering

Doʻstlaringiz bilan ulashing

online_predictionLive

Barchasicall_made