Maktabgacha va maktab ta’limi vazirining birinchi o‘rinbosari tayinlandi

Prezident qarori bilan Sherzod Abdurasulovich Karimov Maktabgacha va maktab ta’limi vazirining birinchi o‘rinbosari lavozimiga tayinlandi. Bu haqda QALAMPIR.UZ manbasi xabar berdi.

Sherzod Karimov 2006-2012 yillarda xalq ta’limi tizimida, 2012-2018 yillarda o‘rta maxsus, kasb-hunar ta’limi tizimida ishlagan. 2018-2024 yillarda Vazirlar Mahkamasi ta’lim, ijtimoiy rivojlanish masalalari departamenti, kotibiyati bo‘limida yetakchi, bosh mutaxassis, sho‘’ba mudiri, kotibiyati mudirining o‘rinbosari lavozimlarida faoliyat yuritgan.

U 2024 yil 28 fevraldan bugungacha Vazirlar Mahkamasi “Mahalla yettiligi”, yoshlar siyosati va ma’naviyat masalalari departamenti Yoshlar siyosati, maktabgacha va maktab ta’limi, sog‘liqni saqlash va ma’naviyat masalalari bo‘limi boshlig‘i lavozimida ishlab kelayotgan edi.

Eslatib o‘tamiz, oldinroq 2021-2024 yillar davomida O‘zbekistonning Frankfurt-Mayn shahridagi (Germaniya) bosh konsuli lavozimida ishlagan Olimjon Suyunovich Abdullayev O‘zbekiston Respublikasi Tashqi ishlar vazirining o‘rinbosari etib tayinlangandi.