Вазирлар Маҳкамасида бир қатор тайинловлар амалга оширилди
Жамият
−
11 Март 2022 11682
Ўзбекистон Вазирлар Маҳкамаси ижро этувчи тузилмаси ва аппарати таркибий бўлинмалари тузилмалари янгидан тасдиқлангани муносабати билан ҳукумат аппарати таркибий бўлинмалари раҳбар кадрлари лавозимларга тайинланди.
Унга кўра, Шерзод Каримов Вазирлар Маҳкамаси Таълим, соғлиқни сақлаш ва спорт масалалари котибияти мудирининг ўринбосари - Таълим тизимини ривожлантириш масалалари шуъбаси мудири сифатида иш бошлади.
Дониёр Эрматов эса Вазирлар Маҳкамаси Таълим, соғлиқни сақлаш ва спорт масалалари котибиятининг Болаларни ҳимоя қилиш масалалари шуъбаси мудири бўлди.
Шаҳобиддин Мусаев Вазирлар Маҳкамаси Туризм, маданият ва оммавий коммуникациялар масалалари котибиятининг Оммавий коммуникациялар ва ахборот очиқлигини таъминлаш масалалари шуъбаси мудири этиб тайинланди.
Live
Барчаси