Belarus ham Rossiya yurgan yo‘ldan boradimi? Lukashenko javob berdi

Ukraina sharqida rossiyaparast separatistlar tomonidan tashkil etilgan Lugansk xalq respublikasi va Donetsk xalq respublikasi suverenitetini tan olish masalasi Belarus rasmiylarining kun tartibida turibdi. Bu haqda Belarus fuqarosi Aleksandr Lukashenko ma’lum qildi.  

“Bizning kun tartibimizda shu masala bor, yaqin kelajakda o‘zimizga va Rossiyaga kerakli narsani qilamiz”, degan u. 

Lukashenkoning fikricha, bu muammo emas. 

“Bugun [Rossiya Prezidenti Vladimir] Putin va men bizga bu loyiq emasligini aytdik. Bu, birinchidan. Ikkinchidan, bu muammo emas. Uchinchidan, biz aniq tushunishimiz kerak: biz qadam tashlamoqdamiz, bu qadam natijasida nima sodir bo‘ladi. Ammo shunga qaramay, bu muammo emas”, deb davom etgan Lukashenko. 

Ma’lumot o‘rnida, Belarus TIV Minsk Rossiyaning DXR va LXR mustaqilligini tan olish qarorini hurmat qilishini va tushunishini bildirgan. Shu bilan birga, Rossiyaning DXR va LXRni tan olish to‘g‘risidagi qaroridan so‘ng, Belarus ittifoqchilik munosabatlari va xalqaro majburiyatlardan kelib chiqish, shuningdek, vaziyatning keyingi rivojlanishini hisobga olish niyatida ekanini aytgan.

Rossiyaning Ukrainaga bosqini

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Buning ortidan Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirdi. Ko‘p o‘tmay Prezident Rossiya bilan diplomatik aloqani uzdi.

Rus qo‘shinlari dastlab Kiyev va Xarkovga raketa hujumi uyushtirdi. Prezident Zelenskiy mamlakatda harbiy holat e’lon qildi. Shuningdek, rasmiy idora rus qo‘shinlari Xarkov va Odessa viloyatiga kirib bordi.

Hujum boshlanganidan ko‘p o‘tmay, LXR Ichki ishlar vaziri maslahatchisi Vitaliy Kiselev Schaste va Stanitsa shaharchalari LXR nazoratiga o‘tganini e’lon qildi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.