Husiylar 24 soat ichida AQSH kemasiga uch marta hujum qildi 

Yamanning husiylar guruhi  so‘nggi 24 soat ichida Amerikaning USS Harry Truman aviatashuvchi kemasiga uch marta hujum qildi. Bu haqda husiylar tomonidan tuzilgan qurolli kuchlar vakili Yahyo Sariya ma’lum qildi.

“Oxirgi 24 soat ichida bizning qurolli kuchlarimiz Qizil dengizda AQSHning USS Harry Truman samolyot tashuvchisi boshchiligidagi dushman harbiy kemalari guruhlarini uch marta to‘qnashdi. To‘qnashuv operatsiyasida raketa kuchlari, uchuvchisiz samolyotlar va dengiz kuchlari ishtirok etdi, ular bir nechta qanotli raketalar va uchuvchisiz uchoqlarni ishlatdi”, dedi harakat vakili.

Eslatib o‘tamiz, 15 mart kuni Qo‘shma Shtatlar Prezident Donald Trampning buyrug‘i bilan Yaman hududining uchdan bir qismini nazorat qilayotgan husiy nishonlariga yirik zarbalar berishni boshlagandi. AQSH Markaziy qo‘mondonligiga ko‘ra, operatsiya Amerika manfaatlarini himoya qilish va navigatsiya erkinligini ta’minlashga qaratilgan.

Bunga javoban husiylar harakati Qizil dengiz shimolida Amerikaning USS Harry Truman aviatashuvchi kemasiga raketa va uchuvchisiz samolyotlar yordamida bir qator hujumlar uyushtirdi.