Украина Дугина қотиллигига алоқадорми? Расмий Киев тилга кирди

Украина Хавфсизлик ва мудофаа кенгаши раиси Алексей Данилов Москвада журналист Дарья Дугинанинг ўлимига олиб келган портлашни Украина уюштирган деган айбловларни рад этди.

Украина телевидениеси орқали гапирган Данилов Москванинг Дугинанинг ўлимига сабаб бўлган теракт ортида Киев маъмурияти тургани ҳақидаги айбловларига жавоб берди. 

“Биз бундай ишламаймиз. Бизнинг йигитларимиз бажарадиган янада кучли вазифалар бор. Бу хонимни портлатиш билан бизнинг ишимиз йўқ”, дейди Данилов. 

Хавфсизлик Кенгаши раисининг урғулашича, журналистни хавфсизлик кучларининг ўзи ўлдирган.  

“Россияда урушни қўллаб-қувватлаш пасаймоқда. Кремлга жамоатчилик сафарбарлиги керак. Федерал хавфсизлик хизмати Россия шаҳарларида қатор терактлар уюштириши кутилмоқда. Бу одамга на иссиғимиз бор, на совуғимиз... Бу ишни ФХХ қилган – энди буни биздан кимдир қилгандек кўрсатишяпти”, дейди у.

Аввалроқ Украина президенти Владимир Зеленский девонхонаси раҳбари маслаҳатчиси Михаил Подоляк Киевнинг публицист Александр Дугиннинг қизи бўлган автомобиль портлашига алоқадорлигини рад этган эди. Бу ҳақда у Twitter ижтимоий тармоғида ёзган. 

“Россия пропагандаси хаёлий дунёда яшайди”, деб ёзади Подоляк. 

Эслатиб ўтамиз, жорий йилнинг 20 август куни рус файлсуфи ва сиёсатчиси Александр Дугиннинг қизи Дарья Дугина Toyota Land Cruiser автомобилига ўрнатилган қўлбола портловчи учкуна портлаши оқибатида вафот этди. 

Ўша куни Дугина отаси билан бирга Президентнинг Маданий ташаббуслар жамғармаси, Москва вилояти Маданият ва туризм вазирлиги ҳамда Одинцово маъмурияти томонидан қўллаб-қувватланаётган “Анъана” ватанпарварлик фестивалида қатнашган. Тадбир тугагандан сўнг, Дугин ва қизи бирга кетиши керак бўлган, бироқ маълум бир сабабларга кўра, улар бошқа-бошқа машиналарда йўлга чиққан.

Тан олинмаган Донецк халқ республикаси раҳбари Денис Пушилин ўзининг Telegram'даги саҳифасида Дарья Дугинанинг ўлимида Украинани айблаб чиқди. 

Россия Федерал хавфсизлик хизматига кўра, Дарья Дугинанинг ўлдирилишини Украина махсус хизматлари тайёрлаган, ижрочи жиноятдан кейин Эстонияга қочиб кетган Украина фуқароси Наталья Вовк. 

Қотиллик содир бўлган куни Вовк ва Шабан "Анъанавий" адабий ва мусиқа фестивалида бўлишди, у ерда Дугина фахрий меҳмон сифатида иштирок этди. 21 август куни Дугина бошқарувидаги Toyota Land Cruiser Prado автомобилининг бошқариладиган портлашидан сўнг, Вовк ва унинг қизи Псков вилояти орқали Эстонияга жўнаб кетган.

Махфий хизматнинг аниқлик киритишича, Дугинанинг ўлдирилишини уюштириш ва унинг турмуш тарзи ҳақида маълумот олиш мақсадида Вовк ва унинг қизи Москвада марҳум яшаган уйда квартира ижарага олган. Жиноятчилар журналистни кузатиш учун Mini Cooper автомобилидан фойдаланган. Шу билан бирга, Россияга киришда Донецк Халқ Республикаси рақамлари ишлатилган - E982XN DPR, Москвада – Қозоғистон рақамлари 172AJD02 ва чиқишда – Украина AH7771IP.  

Президент Владимир Путин Дарья Дугинанинг оиласига ҳамдардлик мактубини йўллади ва марҳума журналистни "Жасорат" ордени билан тақдирлади.