Duginaning o‘ldirilishiga tayyorgarlik ko‘rgan guruh a’zosi aniqlandi – FXX

Rossiya Federal xavfsizlik xizmati Natalya Vovk bilan birga jurnalist Darya Duginani o‘ldirishga tayyorgarlik ko‘rayotgan Ukraina qo‘poruvchilik va terrorchilik guruhi a’zosini aniqladi – u jinoyat sodir etilishidan bir kun oldin Rossiya Federatsiyasini tark etgan. Bu haqda bugun, 29 avgust kuni FXX xabar berdi. 

“Aniqlanishicha, Duginaning o‘ldirilishi Vovk bilan birgalikda Moskvada Ukraina qo‘poruvchilik va terrorchilik guruhining yana bir a’zosi – 2022 yil 30 iyulda Estoniyadan tranzit orqali Rossiyaga kelgan Ukraina fuqarosi – 1978 yilda tug‘ilgan Siganenko Bogdan Petrovich tomonidan tayyorlangan. U Dugina portlatib yuborilishidan bir kun oldin Rossiya hududini tark etgan”, deydi FXX ma’lumotida. 

Razvedka xizmati ma’lumotlariga ko‘ra, Siganenko Vovkga Qozog‘iston fuqarosi Yuliya Zayko nomiga soxta davlat raqamlari va hujjatlarni taqdim etgan. Bundan tashqari, u Vovk bilan birgalikda Moskvaning janubi-g‘arbiy qismida ijaraga olingan garajda qo‘lbola portlovchi qurilmani yig‘gan. 

FXXning xabar berishicha, Ukraina maxsus xizmatlari tomonidan uyushtirilgan Darya Dugina o‘ldirilishiga aloqador shaxslarni aniqlash ishlari davom etmoqda.  

“Kuzatuv kameralarini o‘rganish jinoyatni sodir etgan Ukraina fuqarosi Natalya Vovk Duginani “An’ana” festivali mehmonlari uchun to‘xtash joyida shaxsan kuzatgani aniqlandi. Dugina festivalni tark etganiga ishonch hosil qilib, Vovk uning ortidan ergashdi. U Mini Cooper avtomashinasida qo‘lbola portlovchi qurilmani ishga tushirgan va keyin Estoniyaga jo‘nab ketgan”, deyiladi FXX xabarida. 

Shuningdek, Siganenkoning harakati tasvirlangan videoni ham tarqatildi. Unga ko‘ra, u 30 iyul kuni Ukraina pasporti bilan Rossiyaga kirgan. Uning hujjati haqiqiyligiga shubha tug‘ilmagan. Shuningdek, FXX uning mashinasida Vovk bilan Moskva bo‘ylab harakatlanishi va Donetsk xalq respublikasi davlat raqamlarini qozoq raqamlariga almashtirgani tasvirlarini ham ko‘rsatgan. 

Videoda Moskva viloyatida o‘tgan festivalning avtoturargohidagi Vovkdan olingan kadrlar ham ko‘rsatilgan. Uning mashinalar bo‘ylab qanday yurganini ko‘rishingiz mumkin. 

Duginaning o‘ldirilishi

Eslatib o‘tamiz, joriy yilning 20 avgust kuni rus faylsufi va siyosatchisi Aleksandr Duginning qizi Darya Dugina Toyota Land Cruiser avtomobiliga o‘rnatilgan qo‘lbola portlovchi uchkuna portlashi oqibatida vafot etdi. 

O‘sha kuni Dugina otasi bilan birga Prezidentning Madaniy tashabbuslar jamg‘armasi, Moskva viloyati Madaniyat va turizm vazirligi hamda Odinsovo ma’muriyati tomonidan qo‘llab-quvvatlanayotgan “An’ana” vatanparvarlik festivalida qatnashgan. Tadbir tugagandan so‘ng, Dugin va qizi birga ketishi kerak bo‘lgan, biroq ma’lum bir sabablarga ko‘ra, ular boshqa-boshqa mashinalarda yo‘lga chiqqan.

Tan olinmagan Donetsk xalq respublikasi rahbari Denis Pushilin o‘zining Telegram'dagi sahifasida Darya Duginaning o‘limida Ukrainani ayblab chiqdi. 

Rossiya Federal xavfsizlik xizmatiga ko‘ra, Darya Duginaning o‘ldirilishini Ukraina maxsus xizmatlari tayyorlagan, ijrochi jinoyatdan keyin Estoniyaga qochib ketgan Ukraina fuqarosi Natalya Vovk. 

Qotillik sodir bo‘lgan kuni Vovk va Shaban "An’anaviy" adabiy va musiqa festivalida bo‘lishdi, u yerda Dugina faxriy mehmon sifatida ishtirok etdi. 21 avgust kuni Dugina boshqaruvidagi Toyota Land Cruiser Prado avtomobilining boshqariladigan portlashidan so‘ng, Vovk va uning qizi Pskov viloyati orqali Estoniyaga jo‘nab ketgan.

Maxfiy xizmatning aniqlik kiritishicha, Duginaning o‘ldirilishini uyushtirish va uning turmush tarzi haqida ma’lumot olish maqsadida Vovk va uning qizi Moskvada marhum yashagan uyda kvartira ijaraga olgan. Jinoyatchilar jurnalistni kuzatish uchun Mini Cooper avtomobilidan foydalangan. Shu bilan birga, Rossiyaga kirishda Donetsk Xalq Respublikasi raqamlari ishlatilgan - E982XN DPR, Moskvada – Qozog‘iston raqamlari 172AJD02 va chiqishda – Ukraina AH7771IP.  

Prezident Vladimir Putin Darya Duginaning oilasiga hamdardlik maktubini yo‘lladi va marhuma jurnalistni "Jasorat" ordeni bilan taqdirladi.