Журналистни ким портлатиб юборгани очиқланди

Олам 24675
image

Журналист Дарья Дугинанинг ўлдирилиши фош этилди, уни Украина махсус хизматлари тайёрлаган, ижрочи жиноятдан кейин Эстонияга қочиб кетган Украина фуқароси Наталья Вовк. Бу ҳақда бугун, 22 август куни ТАСС агентлигига Россия Федерацияси Федерал хавфсизлик хизмати жамоатчилик билан алоқалар марказида маълум қилинган. 

“Федерал хавфсизлик хизмати комплекс шошилинч тезкор-қидирув тадбирлари натижасида 1992 йилда туғилган россиялик журналист Дарья Дугинанинг ўлдирилиши фош этилди”, дея таъкидлади ФХХ.  

Қайд этилишича, махсус хизмат жиноят Украина махсус хизматлари томонидан тайёрланиб, содир этилгани ва унинг ижрочиси Украина фуқароси 1979 йилда туғилган Вовк Наталья Павловна эканини аниқлаган. 

У 2010 йилда туғилган қизи Шабан София Михайловна билан жорий йилнинг 23 июль куни Россияга келган. 

Маълумотларга кўра, қотиллик содир бўлган куни Вовк ва Шабан "Анъанавий" адабий ва мусиқа фестивалида бўлишди, у ерда Дугина фахрий меҳмон сифатида иштирок этди. 21 август куни Дугина бошқарувидаги Toyota Land Cruiser Prado автомобилининг бошқариладиган портлашидан сўнг, Вовк ва унинг қизи Псков вилояти орқали Эстонияга жўнаб кетган.

Махфий хизматнинг аниқлик киритишича, Дугинанинг ўлдирилишини уюштириш ва унинг турмуш тарзи ҳақида маълумот олиш мақсадида Вовк ва унинг қизи Москвада марҳум яшаган уйда квартира ижарага олган. Жиноятчилар журналистни кузатиш учун Mini Cooper автомобилидан фойдаланган. Шу билан бирга, Россияга киришда Донецк Халқ Республикаси рақамлари ишлатилган - E982XN DPR, Москвада – Қозоғистон рақамлари 172AJD02 ва чиқишда – Украина AH7771IP.  

“Тергов материаллари Тергов қўмитасига топширилди”, дея қўшимча қилган ФХХ. 

Ҳуқуқ-тартибот идоралари Наталья Вовкни Россияга экстрадиция қилиш мақсадида қидирувга берилиши ҳақида хабар берди. 

Эслатиб ўтамиз, жорий йилнинг 20 август куни рус файлсуфи ва сиёсатчиси Александр Дугиннинг қизи Дарья Дугина Toyota Land Cruiser автомобилига ўрнатилган қўлбола портловчи учкуна портлаши оқибатида вафот этди. 

Ўша куни Дугина отаси билан бирга Президентнинг Маданий ташаббуслар жамғармаси, Москва вилояти Маданият ва туризм вазирлиги ҳамда Одинцово маъмурияти томонидан қўллаб-қувватланаётган “Анъана” ватанпарварлик фестивалида қатнашган. Тадбир тугагандан сўнг, Дугин ва қизи бирга кетиши керак бўлган, бироқ маълум бир сабабларга кўра, улар турли машиналарда йўлга чиқишган.

Тан олинмаган Донецк халқ республикаси раҳбари Денис Пушилин ўзининг Telegram'даги саҳифасида Дарья Дугинанинг ўлимида Украинани айблаб чиқди. 

Qalampir.uz Tahririyati
Мақолага баҳо беринг
Баҳолаганлар: 731
Рейтинг: 2.9
t
×