Муроджон Аҳмадалиевнинг камар ҳимояси учун жанги санаси ва рақиби маълум бўлди

Спорт 2986
image

Профессионал бокснинг биринчи ярим енгил вазн тоифасида (-55,3 кг) WBA ҳамда IBF йўналишлари чемпиони, ўзбекистонлик Муроджон Аҳмадалиевнинг навбатдаги жанги санаси ва рақиби маълум бўлди.

Испаниялик журналист Майк Коппинжернинг маълум қилишича, Муроджон жорий йилнинг 19 ноябрь куни Америка Қўшма Штатларидаги Янги Англия минтақасида ўз жангини ўтказади. Ушбу баҳсда боксчи ўз чемпионлик камарларини мажбурий даъвогар ҳисобланган америкалик Ронни Риосдан ҳимоя қилади. Ғолиб спортчи иккала камарга эга чиқади.

Маълумот учун, Муроджон Аҳмадалиев профессионал боксда жами 9 та жанг ўтказиб, уларнинг барчасида ғалаба қозонган. Шунингдек, уларнинг 7 тасида рақибларини нокаутга учратган.

Унинг рақиби Ронни Риос эса жами 36 та жангдан 33 тасини ғалаба билан якунлаган. Нокаутлар сони эса 16 тага тенг.

Эслатиб ўтамиз, Муроджон Аҳмадалиев сўнгги жангида япониялик Рийосуке Ивасани муддатидан аввал мағлуб этган эди.

Абдулла Маннонов
Мақолага баҳо беринг
Баҳолаганлар: 105
Рейтинг: 2.9
t
×