Конор мени синдираман деганди, энди эса ўзи шу ҳолатга тушди — Порье

Спорт 3932
image

Хабарингиз бор, бугун тонгда жуда кўпчиликнинг эътиборини тортган, йилнинг энг шов-шувли жангига айланиши кутилган UFC 264 доирасидаги Конор Макгрегор – Дастин Порье жанги ўз ниҳоясига етди. Жангда Порье биринчи раунднинг ўзидаёқ мағлубиятга учратди. Бундан ташқари, жанг пайтида Конорнинг оёғи синиб ҳам кетди. 

“Трилогия” якунида Дастин Порье ғалабаси ва Конорнинг оёғи синиши ҳақида ўз фикрларини билдирди.

“Жангнинг бошида “лоу кик”дан сўнг қаттиқ оғриқ сездим, оёғим сингандек бўлди. Шукрки, ҳаммаси жойида экан. Жангдан аввал Конор кераксиз бўлган гапларни жуда кўп гапирди, жангчиларда ўзаро ҳурмат бўлиши лозим, деб ўйлайман. У уйига қайтишини ва тезроқ оиласи билан бирга бўлишини тилаб қоламан.  Оила билан жароҳатлар ҳам тезда битади. У мени синдираман деган эди, энди эса ўзи шу ҳолатга тушиб қолди. 

“Қўлингдан келмайдиган ишни айтсанг, унинг тескариси билан жазоланасан”, деганди устозим”, дея Дастиннинг сўзларини келтиради UFC расмий сайти.

Маълумот учун, бу Конор ва Порье ўртасидаги учинчи жанг эди. Биринчи жангда Конорнинг қўли баланд келган бўлса, икки ҳамда учинчи жангларда Порье ғалабани қўлга киритди.

Абдулла Маннонов
Мақолага баҳо беринг
Баҳолаганлар: 117
Рейтинг: 3.1
t
×