YeXHT mintaqadagi barcha davlatlarni O‘zbekiston izidan borishga chaqirdi

north_east

Saida Mirziyoyeva: “Jurnalistlar erkinligini yo‘qotishdan qo‘rqmasdan, xato qilish huquqiga ega bo‘lishlari kerak”

Yevropada xavfsizlik va hamkorlik tashkiloti tuhmat va haqorat uchun jinoiy javobgarlik masalasida mintaqadagi barcha davlatlarni O‘zbekiston izidan borishga chaqirdi. 

Yevropada xavfsizlik va hamkorlik tashkiloti (YeXHT)ning OAV erkinligi masalalari bo‘yicha vakilligi ofisining rasmiy saytida joriy yilning 5-6 mart kunlari Samarqand shahrida bo‘lib o‘tgan II Markaziy Osiyo sudyalar muloqoti natijalari bo‘yicha press-reliz e’lon qilindi.

Ushbu chiqishda YeXHTning OAV erkinligi masalalari bo‘yicha vakili Arlem Dezir O‘zbekistonda so‘z erkinligini ta’minlash sohasida amalga oshirilayotgan ishlarni qo‘llab-quvvatlashini bildirgan.

Xususan, Arlem Dezir O‘zbekiston Respublikasi Prezidenti Shavkat Mirziyoyevning tuhmat va haqorat uchun ozodlikdan mahrum qilish tarzidagi jazoni bekor qilish bo‘yicha yangi qonunni qabul qilishini, shuningdek blogerlarga jurnalistlarga beriladigan huquqlar berilishini olqishlagan. U ushbu masalada mintaqadagi boshqa davlatlarni ham O‘zbekistondan namuna olishga chaqirgan. 

Qolaversa, Yevropada xavfsizlik va hamkorlik tashkilotining maxsus vakili Arlem Dezir Milliy mass-mediani qo‘llab-quvvatlash va rivojlantirish jamoat fondi Vasiylik Kengashiga Samarqandda Markaziy Osiyo sudyalarining muloqotiga keng maydon yaratib bergani uchun minnatdorlik bildirgan.

YeXHTning ushbu bayonoti O‘zbekistonning so‘z erkinligi borasidagi faoliyatiga yuksak baho hisoblanadi, boshqa davlatlarni ham o‘rnak olishga chaqirish holati kamdan-kam bo‘ladi.