Yangilangan IJF reytingida Bobonov peshqadamlikni qaytarib oldi

Sport 4075
image

Xalqaro dzyudo federatsiyasi (IJF) 2021 yil yakunilariga ko‘ra dzyudochilarning yangilangan reyting jadvalini e’lon qildi.
Unda qayd etilishicha, 90 kg vazn toifasida o‘zbeistonlik Davlat Bobonov yana peshqadamga aylangan.

Avvalgi oyda gruziyalik Lasha Bekauridan kichik farq bilan ortda qolgan Bobonov raqibining 2 yil avvalgi musobaqada qo‘lga kiritgan ochkolari olib tashlangani bois yana birinchi o‘ringa ko‘tarildi. Shu tariqa, Tokio-2020 sovrindori Bobonov 2021 yilni o‘z vazn toifasidagi reytingda peshqadam bo‘lib yakunlaydigan bo‘ldi.

60 kg:

1. Yung Vei Yang (Xitoy Taipeyi) – 5140 ochko
19. Kamron Nurullayev – 1848 ochko

66 kg:

1. An Baul (Janubiy Koreya) – 5240 ochko
6. Sardor Nurullayev – 3469 ochko

73 kg:

1. Lasha Shavdatuashvili (Gruziya) – 5475 ochko
5. Hikmatilloh To‘rayev – 3055 ochko

81 kg:

1. Tato Grigalashvili (Gruziya) – 6592 ochko
3. Sharofiddin Boltaboyev – 4356

90 kg:

1. Davlat Bobonov (O‘zbekiston) – 5736 ochko
2. Lasha Bekauri – 4880 ochko

100 kg:

1. Arman Adamyan (Rossiya) – 5420 ochko
13. Muhammadkarim Xurramov – 2671 ochko

+100 kg:

1. Tamerlan Bashayev (Rossiya) – 6250 ochko
25. Alisher Yusupov – 1503 ochko
29. Bekmurod Oltiboyev – 1208 ochko

Ayollar. 52 kg:

1. Amandin Bushar (Fransiya) – 5890 ochko
11. Diyora Keldiyorova – 2692 ochko

70 kg:

1. Barbara Matich (Xorvatiya) – 5595 ochko
9. Gulnoza Matniyozova – 2883 ochko

Eslatib o‘tamiz, ayni kunlarda Toshkent shahridagi “Yunusobod” sport majmuasida dzyudo bo‘yicha kattalar o‘rtasida O‘zbekiston chempionati o‘tkazilmoqda. Bobonov musobaqada ishtirok etmadi.

Turnirda o‘z vazn toifasida O‘zbekiston terma jamoasining 1-raqamli sportchilari – Diyora Keldiyorova hamda Sharofiddin Boltaboyev chempionlikni qo‘lga kiritdi. Kamron Nurullayev va Hikmatilloh To‘rayev saralashdayoq musobaqani tark etgan bo‘lsa, Sardor Nurullayev bronza medalga sazovor bo‘ldi.
 

Humoyun Oripov
Maqolaga baho bering
Baholaganlar: 55
Reyting: 2.9
Teglar
t
×