Дзюдо бўйича Ўзбекистон чемпионатининг 2-кунида нималар рўй берди?

Спорт 1135
juggg

Кеча, 22 декабрь куни Тошкент шаҳридаги “Юнусобод” спорт мажмуасида дзюдо бўйича катталар ўртасидаги Ўзбекистон чемпионатининг 2-куни кутилмаган натижалар билан эсда қолди. Спортчилар 5 та вазн тоифасида баҳс олиб боришди.

73 кг вазн тоифасида Ўзбекистоннинг биринчи рақамли дзюдочиси Ҳикматуллоҳ Тўраев кутилмаганда саралаш босқичидаёқ мағлубиятга учраб, мусобақани тарк этди. Ушбу вазнда Шаҳрам Аҳадов мамлакат чемпиони бўлди. Тўраев жорий йилда Абу-Даби “Катта дубулға” турнирида кумуш медални қўлга киритган эди. У Халқаро дзюдо федерацияси (IJF) рейтингида 3055 очко билан 5-ўринни эгаллаб турибди.   

81 кг вазнда эса кутилганидек, Шарофиддин Болтабоев олтин медални қўлга киритди. Унинг финалдаги рақиби Маъруф Ҳидиров эса онасини вафот этгани сабаб финал баҳсида иштирок эта олмади. Болтабоев IJF рейтингида 3-ўринда бормоқда (4356 очко).

90 кг вазн тоифасидаги баҳслар ҳам анча шиддатли кечди. Олтин медаль учун кечган муросасиз беллашувда сурхондарёлик Шермуҳаммад Жандреев тошкентлик Достон Мейлиевдан устун келди.  

Эркаклар. 73 кг:

1. Шаҳрам Аҳадов (Бухоро)
2. Муроджон Йўлдошев (Сурхондарё)
3. Вагиф Ибодов (Самарқанд)
3. Обидхон Нўмонов (Наманган)

81 кг:

1. Шарофиддин Болтабоев (Қорақалпоғистон)
2. Маъруф Ҳидиров (Тошкент шаҳри)
3. Рамазон Аллабердиев (Сурхондарё)
3. Улуғбек Ўроқов (Тошкент шаҳри)

90 кг:

1. Шермуҳаммад Жандреев (Сурхондарё)
2. Достон Мейлиев (Тошкент вилояти)
3. Жалолиддин Қурбонмуродов (Қашқадарё)
3. Баҳодир Панжиев (Сурхондарё)

Қизлар. 63 кг:

1. Севинч Исоқова (Жиззах)
2. Мамлакат Султонова (Хоразм)
3. Маржона Нуриллаева (Самарқанд)
3. Лайло Йўлдошева (Хоразм)

70 кг:

1. Шоҳиста Назарова (Сурхондарё)
2. Нодира Йўлдошева (Тошкент шаҳри)
3. Равшахон Адашева (Тошкент шаҳри)
3. Фарангиз Ҳожиева (Хоразм)

Эслатиб ўтамиз, Фарангиз Ҳожиева Токио Олимпиадасида иштирок этган.

Ҳумоюн Орипов
Мақолага баҳо беринг
Баҳолаганлар: 10
Рейтинг: 3.4
t
×