Usik va Fyuri oxirgi sterdaunda ishtirok etdi (video)

Bugun, 18 may kuni Saudiya Arabistonining Ar-Riyod shahrida bo‘lib o‘tadigan boks turnirida Aleksandr Usik va Tayson Fyuri o‘rtasida jang bo‘lib o‘tadi.

Jang oldi oxirgi face-to-face marosimida WBC yo‘nalishi bo‘yicha jahon chempioni, britaniyalik Tayson Fyuri WBA, IBF va WBO yo‘nalishlari bo‘yicha jahon chempioni, ukrainalik Aleksandr Usikni turtib yubordi.

Birinchi sterdaundan farqli ravishda bu gal “nigohlar jangi” ancha agressiv kayfiyatda o‘tdi. 

Ma’lumot uchun, Aleksandr Usik hisobida 21 ta g‘alaba bor. U oxirgi marta 2023 yil 26 avgustda ringga chiqib, britaniyalik bokschi Daniel Dyubuani nokautga uchratgandi.

Tayson Fyuri esa so‘nggi jangida og‘ir vazn toifasida sobiq UFC chempioni, kamerunlik Fransis Ngannuni mag‘lub etdi. Ularning jangi 2023 yilning oktyabr oyida Saudiya Arabistonida bo‘lib o‘tgandi.

Eslatib o‘tamiz, jang oldi tomonlar o‘rtasidagi dastlabki nigohlar jangida Fyuri Usikning ko‘ziga qarashni istamagandi.