Фьюри “нигоҳлар жанги”да Усикнинг кўзига қарамади (видео)
Спорт
−
17 Май
9959WBC чемпиони британиялик Тайсон Фьюри жанг олдидан ўтказилган матбуот анжуманидан кейинги “нигоҳлар жанги” чоғида украиналик боксчи ҳамда WBA, IBF ва WBO йўналишлари бўйича оғир вазн тоифасида жаҳон чемпиони Александр Усикнинг кўзига қарамади.
Томонлар ўртасидаги тўқнашув Саудия Арабистони пойтахти Ар-Риёд шаҳрида 18 май куни бўлиб ўтадиган бокс турнирининг асосий жанги этиб белгиланган.
Иккала боксчи ҳам профрингдаги фаолияти давомида мағлубиятга учрамаган. Усик ҳисобида 21 та ғалаба бор. У охирги марта 2023 йил 26 августда рингга чиқиб, британиялик Даниэль Дюбуани нокаутга учратганди.
Тайсон Фьюри эса сўнгги жангини оғир вазн тоифасида собиқ UFC чемпиони камерунлик Франсис Нганнуга қарши ўтказиб, қийинчилик билан ғалаба қозонганди.