Усик ва Фьюри охирги стердаунда иштирок этди (видео)
Спорт
−
18 Май 3700
Бугун, 18 май куни Саудия Арабистонининг Ар-Риёд шаҳрида бўлиб ўтадиган бокс турнирида Александр Усик ва Тайсон Фьюри ўртасида жанг бўлиб ўтади.
Жанг олди охирги face-to-face маросимида WBC йўналиши бўйича жаҳон чемпиони, британиялик Тайсон Фьюри WBA, IBF ва WBO йўналишлари бўйича жаҳон чемпиони, украиналик Александр Усикни туртиб юборди.
Биринчи стердаундан фарқли равишда бу гал “нигоҳлар жанги” анча агрессив кайфиятда ўтди.
Маълумот учун, Александр Усик ҳисобида 21 та ғалаба бор. У охирги марта 2023 йил 26 августда рингга чиқиб, британиялик боксчи Даниэль Дюбуани нокаутга учратганди.
Тайсон Фьюри эса сўнгги жангида оғир вазн тоифасида собиқ UFC чемпиони, камерунлик Франсис Нганнуни мағлуб этди. Уларнинг жанги 2023 йилнинг октябрь ойида Саудия Арабистонида бўлиб ўтганди.
Эслатиб ўтамиз, жанг олди томонлар ўртасидаги дастлабки нигоҳлар жангида Фьюри Усикнинг кўзига қарашни истамаганди.
Live
Барчаси
