“Tottenxem” 50 million yevrolik transferni e’lon qildi

Sport

−

08 avgust 2023 visibility3453 timer1 daqiqa

Angliyaning “Tottenxem” klubi Germaniyaning “Volfsburg” jamoasi a’zosi Mikki van de Venni o‘z safiga qo‘shib oldi. Bu haqda klub matbuot xizmati xabar berdi.

22 yoshli himoyachi London klubi bilan 6 yil muddatga shartnoma imzoladi. Yangi jamoasida u 37-raqam ostida o‘ynaydi. “Shporlar” Van de Ven transferi uchun nemis klubiga 50 million yevro to‘laydi.

Van de ven 2021 yildan beri “Volfsburg”da o‘ynab kelayotgandi. U Germaniya klubi tarkibida 41 ta o‘yin o‘tkazib, 1 ta gol urdi va 3 ta golli uzatmani amalga oshirdi.

Eslatib o‘tamiz, avvalroq “Tottenxem” klubi sardori Harri Keynga Saudiya Arabistoni klubi qiziqish bildirayotgani xabar qilingandi. “Al-Hilol” jamoasi angliyalik 29 yoshli hujumchi transferi bo‘yicha vositachilar bilan muzokara olib borgan. Biroq Keynga PSJ va “Bavariya” kabi top jamoalar ham da’vogarlik qilayotganda, Saudiya klubini tanlashi dargumon.

Maqola muallifi