Tayson Fyuri – Aleksandr Usik jangi sanasi va manzili e’lon qilindi

Britaniyalik Tayson Fyuri va ukrainalik Aleksandr Usikning jangi Saudiya Arabistonida o‘tkaziladigan bo‘ldi. Bu haqda Toshkentda mezbonlik qilayotgan Butunjahon boks ittifoqining (WBC) 61-Konvensiyasida ma’lum qilindi.

WBC yo‘nalishida britaniyalik chempion Tayson Fyuri hamda WBA, IBA, IBO va WBO tashkilotlari chempioni, ukrainalik Aleksandr Usik o‘rtasida kechadigan jang 2024 yilning 17 fevral kuni Saudiya Arabistonining Ar-Riyod shahrida tashkil etiladigan boks oqshomi doirasida o‘tkaziladi.

Aslida ushbu jang dekabr oyida bo‘lib o‘tishi kerak edi, biroq Fyurining oktyabr oxirida jang qilgani va dekabrga qadar tiklana olmasligi bu jangning kechiktirilishiga asosiy sabab bo‘ldi.

Eslatib o‘tamiz, avvalroq QALAMPIR.UZ'da Aleksandr Usik bilan intervyu e’lon qilingandi. Unda ukrainalik charm qo‘lqop ustasi O‘zbekiston va Bahodir Jalolov haqida o‘z fikrlarini bildirib o‘tgan.